«ՄԵԿ ՕՐՈՒՄ ՆՈԿԱՈՒՏՈՎ ՀԱՂԹԵՑԻ ԵՐԵՔ ԱԴՐԲԵՋԱՆՑՈՒ». ՔԻՔԲՈՔՍԻՆԳԻ ՄԻՋԱԶԳԱՅԻՆ ՄՐՑԱՇԱՐԻ ՀԱՂԹՈՂ ՆԱՐԵԿ ԱԲՈՅԱՆ

Վերջերս Չինաստանի Նինբո քաղաքում կայացել է Քիքբոքսինգի միջազգային մրցաշար։ Մեր երկրի ներկայացուցիչ ՆԱՐԵԿ ԱԲՈՅԱՆԸ թեժ պայքարում հաղթել է չինացի մրցակցին։

Iravunk. com - ի մարզական թղթակիցը կապ է հաստատել ու բացառիկ զրույց ունեցել Նարեկի հետ, ով դեռ գտնվում է Չինաստանում։ Նա այսպես մեկնաբանեց.

-Հանդես եկա 75 կգ քաշային կարգում, նախկինում հանդես եմ եկել 70 կգ - ում։ Մրցակիցս տեղացի չինացի մարզիկ էր, շատ ուժեղ մրցակից էր ու շատ ճանաչված։ Մենամարտը բավականին թեժ էր ընթանում, երեք ռաունդ տևեց, ինձ հաջողվեց հաղթել 3։0 հաշվով, չորս մրցավարների միաձայն որոշմամբ։ Հաղթանակս նվիրում եմ մեր բոլոր անմահ հերոսների հիշատակին։

- Նարեկ, իսկ ինչ տվեց քեզ այս հաղթանակը։

- Այս հաղթանակը շատ կարևոր էր ինձ համար, նոր դռներ բացեց իմ առաջ, պրոֆեսիոնալ աշխարհում վարկանիշս բարձրացավ, քանի որ շատ ուժեղ մարզիկի եմ հաղթել։ Նշեմ, որ մոտ մեկ ամիս առաջ էլ այստեղ մասնակցել եմ կրկին միջազգային մրցաշարի ու մենամարտի երկրորդ ռաունդում տեխնիկական նոկաուտով հաղթել ինձանից 15 կգ ծանր մրցակցին, որը ևս չինացի էր։

- Պատճառը որն էր քեզանից այդքան ծանր մրցակից ունենալու։

- Հիմնական պատճառը այն էր, որ նրա հակառակորդը վնասվածք ուներ, ու դրա համար էլ հրաժարվեց նրա հետ մենամարտել։ Ինձ առաջարկեցին, ես էլ համաձայնվեցի ու չեմ փոշմանել։ Նշեմ, որ իմ մարզական կարիերայի ընթացքում մասնակցել եմ նաև K1-ի պրոֆեսիոնալ միջազգային մրցաշարերի, Վրաստանում կայացած Կովկասի առաջնության չեմպիոն եմ, մեկ օրում հաղթելով երեք ադրբեջանցի մրցակիցների, ընդ որում բոլորին նոկաուտով, դարձա Կովկասի չեմպիոն, դա 2015 թվականին էր։

- Իսկ ինչ խնդիրների ես բախվել։

- Մեջքի վնասվածք եմ ունեցել, ՌԴ-ում դաղստանցի մարզիկի հետ պարապելու ժամանակ ողս վնասվեց, այդպես շուրջ 2 տարի չեմ կարողացել պարապել։ Հետո առողջացա ու Չինաստանից ստացա հրավերք։ Նշեմ, որ ծնունդով Ախալքալաքից եմ, սակայն 6 տարեկանում ընտանիքով Աբովյան քաղաք ենք տեղափոխվել։ Ես սպորտով սկսել եմ զբաղվել 5 տարեկանից։ Քիքբոքսինգ, կյոկուշին կարատե, խառը մենամարտեր, մուայթայ ։Կյոկուշին կարատեի պատանիների և երիտասարդների Եվրոպայի կրկնակի չեմպիոն եմ նաև։ Ես շատ հպարտ եմ, որ ռինգ եմ դուրս գալիս ու Հայաստանի մասին բոլորն են իմանում։ Նպատակ ունեմ դառնալ նաև Քիքբոքսինգի Աշխարհի չեմպիոն։ Միշտ ռինգ եմ մտնում յարխուշտա պարի ու երաժշտության ներքո, այն ինձ շատ մեծ ուժ է տալիս։ Շուտով, կրկին Չինաստանում կմասնակցեմ ևս մեկ միջազգային մրցաշարի, հաղթելու համար գնալու եմ մինչև վերջ, պայքարելու եմ մինչև վերջ։ Իսկ Հայաստան կվերադառնամ աշնանը սեպտեմբեր ամսին։

- Շնորհակալություն, Նարեկ, մեզ ժամանակ տրամադրելու համար։

- Ես էլ եմ շնորհակալ ուշադրության համար, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո