Ավանդական հարսանիք չենք ունեցել, Հրանտի ծննդյան տարեդարձին հարսի զգեստով դուրս եմ եկել Սունդուկյանի բեմ. Լուիզա Ներսիսյան

Մենք չենք ունեցել հայկական, ավանդական հարսանիք: Հրանտի ծննդյան տարեդարձին ես դուրս եմ եկել հարսի զգեստով, ոչ թե որևէ ռեստորանում էինք, այլ՝ Սունդուկյան թատրոնի բեմում, հանդիսատեսն էլ նստած: Հրանտի ծննդյան տարեդարձը նվեր էր հանդիսատեսին, շատ հետաքրքիր համար էր՝ կյանքի խրոնիկա:

Ամուսնության առաջարկը ևս շատ գեղեցիկ ու օրիգինալ է եղել՝ Միացյալ նահանգներում»,- խոսելով իր և ՀՀ ժողովրդական արտիստ, դերասան Հրանտ Թոխատյանի ամուսնությունից՝ «VTV» յութուբյան ալիքի «Հարցեր կան հարցեր» հաղորդման շրջանակներում պատմել է դերասանուհի Լուիզա Ներսիսյանը:

«Երբեք չեմ նյարդայնացել հանդիսատեսի ավելորդ ուշադրությունից, երբեք չի եղել, որ կապիշոն հագնեմ, որ հանկարծ ինձ չճանաչեն։ Նմանատիպ բաներն ինձ համար չեն։ Մարդասեր եմ ու ինձ հաճելի է բոլոր տեսակի ու ժանրի մարդկանց հետ առնչվել:

Տարիքային տարբերությունը երբեք չենք զգացել, իսկ ինձ համար կարեւոր է ներդաշնակությունը: Երկար տարիներ միասին ապրելով՝ արդեն կարողանում ես հասկանալ՝ դիմացինդ ինչով ու ինչպես է շնչում։

Դե, եթե իմ հետ ամուսնացավ, ես էլ իր հետ ամուսնացա։ Իսկ իրականում լինել այս ասպարեզում ու չլինել տեսակով, վատ իմաստով դերասան, այլ լինել տղամարդ, դժվար է գտնել։ Դերասանները մի վատ հատկանիշ ունեն՝ նարցիսիզմ, որն ավելի կանացի դրսեւորում է, այ դրանից Հրանտը ձերբազատված էր։ Ընտրելով այս ճանապարհն՝ ինձ համար կարեւոր էր, որ կողակիցս հասկանար՝ ինչ է թատրոնն ու իր դրսեւորումներում ստեղծագործող լիներ՝ առօրյան ճիշտ կառուցելու համար:

Իհարկե, կենցաղային բախումներ լինում են, բայց դրանք անցողիկ, հիմար բաներ են, որոնց վրա չի կարելի անգամ ժամանակ ծախսել: Պետք է պարզապես կյանքը սիրել ու կյանքի ամեն մի վայրկյանը գնահատել՝ փորձելով առավելագույն դրական հույզեր տալ։»,-ասել է Լուիզան:
Աղբյուրը: https://armnice.ru/%d5%a1%d5%be%d5%a1%d5%b6%d5%a4%d5%a1%d5%af%d5%a1%d5%b6-%d5%b0%d5%a1%d6%80%d5%bd%d5%a1%d5%b6%d5%ab%d6%84-%d5%b9%d5%a5%d5%b6%d6%84-%d5%b8%d6%82%d5%b6%d5%a5%d6%81%d5%a5%d5%ac-%d5%b0%d6%80%d5%a1%d5%b6

Այս թեմայով Նախարարը այդ ժամին տանն է եղել.ՊՆ հայտարարություն է տարածել Լավրովը հեռախոսազրույց է ունեցել ԱՄՆ պետքարտուղարի հետ Իրանական նավահանգստում ողբերգության հետևանքով զոհերի թիվն անցնում է 4 տասնյակը, 1000-ից ավելի վիրավոր կա Ով է իրականում Ռոզա Դավթյանի ամուսինը Այսօր` կյանքից հեռացած հայրիկի ծննդյան օրը, Ռոզա Դավթյանն ամուսնանում է… Հուզիչ հոլովակ (Video)