Կյանքի 93-րդ տարում հեռացել է արժանապատիվ Տ.Վարազդատ ավագ քահանա Քեշիշյանը

 Խոր ցավով տեղեկացնում ենք, որ  հուլիսի 8-ին՝ կյանքի 93-րդ տարում, վախճանվել է Հայաստանյայց Առաքելական Սուրբ Եկեղեցու նվիրյալ սպասավոր, արժանապատիվ Տ. Վարազդատ ավագ քահանա Քեշիշյանը:

Տեր Վարազդատը՝ ավազանի անունով Հակոբ Քեշիշյանը ծնվել է 1932 թվականին, Իրանի Սպահան նահանգի, Փերիա գավառի Բոլորան գյուղում: Նա սերում էր քահանայական գերդաստանից և իր անունը ժառանգել էր մեծ հորից՝ Տեր Հակոբ Տերտերյանից:

1966 թվականի հուլիսի 28-ին ձեռնադրվել է որպես քահանա և մինչև իր կյանքի վերջին օրերը՝ 58 տարի քահանայագործել է Թեհրանի հայոց թեմի ենթակա քաղաքներում՝ Թեհրան, Ռաշտ, Անզալի, Սարի և այլն:

1977 թվականին մարտի 7-ին արժանացել է լանջախաչ, իսկ 1983 թվականի փետրվարի 10-ին ծաղկեփիլոն կրելու պատվին:

1991 թվականի հուլիսի 29-ին Մեծի Տանն Կիլիկիո Գարեգին Բ Կաթողիկոսի (հետագայում Գարեգին Ա Ամենայն հայոց Կաթողիկոս) սրբատառ կոնդակով ստացել է ավագության տիտղոս:

Տ. Վարազդատ ավագ քահանա Քեշիշյանը երկար տարիներ զբաղեցրել է առաջնորդական փոխանորդի պաշտոնը, անդամակցել է ԹՀԹ Պատգամավորական ժողովին, Դատական խորհրդին, Կրոնական խորհրդին:

Նա սիրված, բարի համբավ վայլող և հարգված քահանա է։

Այս թեմայով Ալեն Սիմոնյանի պսակադրությունն անցկացրել է Վայոց ձորից քահանա Տեր Հովհաննեսը, որը միացել է հակաեկեղեցական արշավին Բռնակալ և մարդատյաց Հուդան՝ ոմն Արման Սարոյան, Սուրբ Էջմիածնին մեղադրում է բռնատիրության և սիրո պակասի մեջ. Տեր Զարեհ Նոր նշանակումներ՝ Տավուշի թեմում Եկեղեցամարտության խարան․ Տեր Վահրամ ավագ քահանա Մելիքյան Ինչո՞վ են իրենց այսօրվա վարչապետի թեկնածուներն ավելի լավը սրբազանից. ԶԱՐՄԱՆՔ