Ինձ վախեցնում է այս ամենը. ինչ է կատարվում Մաշտոցի պուրակում

Երեւանյան տապին, եթե մտադիր եք քաղաքի կենտրոնում՝ Մաշտոցի պուրակում մաքուր օդ շնչել, ապա մի՛ շտապեք: «Իրավունք»-ը քաղաքացիների ահազանգերի հետքերով այցելել է պուրակ ու առաջին տեսարանից սարսափել:

Գրեթե բոլոր նստարանները զբաղված էին, բայց ո՛չ զբոսաշրջիկներով, ո՛չ սիրահար զույգերով, ո՛չ էլ առավել եւս ծառերի շուքի տակ հովացող տատիկ-պապիկներով: Ամեն մի նստարանը դարձել է անհասկանալի մարդկանց անկողին, որտեղ փռված, քնած են... Մեկի կողքով ընդհանրապես անցնել չի լինում՝ օղու հոտից, մյուսի կողքով՝ գարշահոտից, երրորդի կողքով էլ անցնելիս՝ ուղղակի լացդ է գալիս, թե ինչքան վատ վիճակում է:

Հետաքրքիր է՝ Երեւանի քաղաքապետարանին ընդհանրապես այս խնդիրը չի հուզո՞ւմ: Օրինակ, փողոցային առեւտուր իրականացնողների ձմերուկն ու գիլասը «դուխով» լխճող երեւանյան իշխանության ուղարկած «ռեմբոներն» այցելե՞լ են պուրակ: Քավ լիցի, այդ մարդկանց այդտեղից լխճելով քշելու համար չէ, այլ հասկանալու՝ ով է անօթեւան, ով է գինովցած կամ առհասարակ՝ ի՞նչ է կատարվում այգում: Իսկ ոստիկանությունը, ՀՀ աշխատանքի եւ սոցիալական հարցերի նախարարությունը ե՞ւս տեղյակ չեն: 

«Ավինյան ջան, սիրուն չի», - այգում այդպես էլ նստելու տեղ չգտած Գեւորգ պապիկը՝ այսպես իր վրդովմունքն արտահայտեց մեզ հետ զրույցում: Իսկ  Հայաստանում հանգստանալու եկած ազգությամբ ռուս Վալերյան անկեղծացավ. «Սկզբում ինձ թվաց այս այգում բոլորը մահացել են՝ ինչ-որ աղետի հետեւանքով: Ինձ վախեցնում է այս ամենը»:

ՀՐԱՆՏ ՍԱՐԱՖՅԱՆ

Այս թեմայով Այսօր ժամը 7:00-ից 19:00-ն փակ են լինելու հետեւյալ փողոցները Ստեփանակերտի պատմական թաղամասը եւս ոչնչացվել է. Ահազանգում է նախկին պատգամավորը Փաշինյանը՝ Մեսրոպ Մաշտոցի մասին.Կրոնավոր դարձավ, որ կրթական համակարգում աշխատի, այն ժամանակ ուրիշ տեղ չկար Հունիսի 20-ից երթևեկության փոփոխություն կկատարվի Մաշտոցի պողոտայում և մի շարք փողոցներում Սարսափելի վրաերթ Մաշտոցի պողոտայում