ԵՎՐՈ-2024. Իսպանիան պայքարից դուրս թողեց Գերմանիայի ընտրանուն և դուրս եկավ կիսաեզրափակիչ (տեսանյութ)

Իսպանիայի հավաքականը հաղթանակ կորզեց լրացուցիչ ժամանակում՝ 2-1:

Իսպանիայի հավաքականը հանդիպման 8-րդ րոպեին  կորցրեց կիսապաշտպան Պեդրիին, որի նկատմամբ կանոնները կոպիտ խախտել էր Կրոսը, արդյունքում իսպանացի ֆուտբոլիստը ծնկի վնասվածք ստացավ փոխարինվեց, խաղադաշտ դուրս եկավ գերմանական «Լայպցիգի» վինգեր Դանի Օլմոն:

51-րդ րոպեին Օլմոն գրավեց  Մանուել Նոյերի դարպասը: 

Գերմանիայի հավաքականը 89-րդ րոպեին խփեց պատասխան գոլը: Միթելշտադտ-Կիմիխ-Վիրց եռաքայլ կոմբինացիան գոլի վերածվեց: 

Լրացուցիչ ժամանակում` 119-րդ րոպեին Օլմոյի եզրից կատարած փոխանցումից հետո Միկել Մերինոն տուգանային հրապարակում գլխի հարվածով գնդակն ուղարկեց Նոյերի դարպասը՝ 2-1:

Այսպիսով, Գերմանիայի հավաքականը տնային Եվրո-ում պայքարն ավարտում է քառորդ եզրափակիչում: 

Իսպանացիներն էլ հուլիսի 9-ին Եվրո-2024-ի կիսաեզրափակիչի առաջին դիմակայությունում կհանդիպեն Պորտուգալիա - Ֆրանսիա զույգի հաղթողին:

Իսպանիա - Գերմանիա՝ 2-1 (տեսանյութ)