«Mixfight 56»-ում Կամո Ունանյանը կմենամարտի գլխավոր տիտղոսի համար

Հուլիսի 14-ին «Միկա» մարզահամալիրում տեղի կունենա «Mixfight 56» MMA մարզաձևի խոշոր միջազգային մրցաշարը։ Այս անգամ մրցաշարի գլխավոր մենամարտը կընթանա WKN վարկածի գոտու համար։ Այդ մենամարտում կարատեի աշխարհի և եվրոպայի չեմպիոն, MMA մարզաձևում  6/0 ռեկորդակիր, Հայաստանի կարատեի միության հիմնադիր Կամո Ունանյանը կմրցի քիքբոքսինգի Ասիայի և աշխարհի չեմպիոն Այդին Մորտեզայի հետ։ Մրցաշարից առաջ Կամո Ունանյանի հետ զրուցել ենք իր ֆիզիկական պատրաստվածության և հակառակորդի հնարավորությունների մասին։

- Բոլորովին վերջերս Գերմանիայում տարած հաղթանակից հետո ասել էիք, որ  արդեն ուզում եք լրջորեն զբաղվել միայն MMA սպորտաձևով։ Հուլիսի 14-ին կայանալիք մրցաշարում կլինի Ձեր 7-րդ մենամարտը այս սպորտաձևում։ Ի՞նչ մարզավիճակում եք գտնվում։

- Չնայած, որ ես ունեի լուրջ վնասվածք, որի պատճառով կարող էի չմասնակցել այս մրցաշարին։ Թեպետ, դեռևս լիարժեք չեմ կազդուրվել, բայց «Mixfight»-ի այս մենամարտից հրաժարվել չեմ կարող, քանի որ այն չեմպիոնական տիտղոսի համար մենամարտ է։ Ասեմ, որ այս մենամարտին սկսել եմ նախապատրաստվել դեռևս մայիս ամսից։ Իսկ հունիսի 2-ին նույնիսկ մեկնեցի Դուբայ և այնտեղ երկու շաբաթ շարունակեցի իմ մարզումները։

- Կամո, բավականին լուրջ մրցակից ունեք, արդյո՞ք ուսումնասիրելե եք հակառակորդի սպորտային կարիերան։

- Մրցակցիս ով լինելու մասին տեղեկացել եմ մի քանի օր առաջ։ Դրանից հետո ուսումնասիրեցի, դիտեցի նրա մարտերը և իմանալով նրա մարտերի արդյունքների մասին, հասկացա, որ բավականին լուրջ ու վտանգավոր մրցակից է։ Բայց, ինձ համար տարբերություն չկա, թե ով կլինի, կարևորը ես հոգեպես պատրաստ եմ և ամեն ինչ անում եմ, որպեսզի ֆիզիկապես էլ պատրաստ լինեմ այս մարտին։ Վստահ եմ, որ իմ հաղթանակով կուրախացնեմ իմ հարազատների, իմ ընկերներին և հայրենակիցներին։

- Եթե ամեն ինչ բարեհաջող ավարտ ունենա և Դուք նվաճեք այս գոտին, հետաքրքիր է հաջորդ քայլը ո՞րն է լինելու։

- Ասեմ որ օգոստոսի 23-ին տեղի է ունենալու Հայաստանում ամենախոշոր կազմակերպություններից մեկի՝«FightNights»-ի մրցաշարը։ Եթե հուլիսի 14-ին լուրջ վնասվածք չստանամ, ապա նախնական պայմանավորվածության համաձայն կմասնակցեմ այդ մրցաշարին։

Հիշեցնենք, որ հուլիսի 14-ին Կամո Ունանյանը MMA մարզաձևում կունենա իր 7-րդ մենամարտը։ Իսկ մինչ այդ ունեցած 6 մրցաշարերում Կամոն մրցակիցների հանդեպ վստահորեն գրանցել է 6 հաղթանակ և ոչ մի պարտություն։

Այս մենամարտում Կամո Ունանյանի գործընկերն է «Շելբի» տուրը, որի տնօրեն Հարութ Համբարձումյանը պատիվ է համարում աջակցել հայկական սպորտին. «Մեծ պատվով և ուրախությամբ ենք առաջարկել, որպեսզի այս մրցաշարում լինենք Կամոյի գործընկերը։ Անհերքելի փաստ է, որ երկար տարիներ Կամոն և՛ կարատե սպորտաձևում, և՛ MMA վարկածում մշտապես հաղթանակներ է գրանցում և բարձր է պահում մեր եռագույնը»,- շեշտում է Հ. Համբարձումյանը։

Կամո Ունանյանի խոսքով, այս մենամարտում իր գործընկերը դառնալու «Շելբի տուրի» կողմից առաջարկը սիրով է ընդունել. «Հարութն իմ ընկերն է, և ես մեծ ուրախությամբ եմ համաձայնել նրա առաջարկին ու իմ ուժերի ներածին չափով ամեն ինչ կանեմ, որպեսզի այս մենամարտում ևս հաղթանակ գրանցեմ»։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար