ԱՀԱԶԱՆԳ․ ՀՀ-ում գործում է բացառապես գողական օրենքը․ Աճում է ոչ միայն փողոցային կրիմինալը, այլեւ նաեւ ընտանեկան բռնությունների ահագնացող աճ է գրանցվում

Այսօր շատերի համար է ակնհայտ, որ Հայաստանում հատկապես «աղմկահարույց» որակված հանցագործությունները հաճախակի բնույթ են ստացել: Դրանց հիմնական բնորոշիչն այն է, որ կատարված հանցագործությունները, որպես կանոն, միայն չնչին բացառություններով են բացահայտվում, իսկ մեղավորները ստանում են կատարած հանցանքին ոչ համարժեք պատիժ: Ինչո՞վ է պայմանավորված քրեածին տարրերի ակտիվացումը, ինչո՞ւ են կենցաղային հարցերի շուրջ վիճաբանությունների մեծ մասն ավարտվում կրակոցներով ու մահվան ելքերով, հոգեբանական ինչ վիճակում է գտնվում հասարակությունը, որը ծնում է նման ագրեսիա հարցի պատասխանը քննարկել ենք հոգեբան Միհրդատ Մադաթյանի հետ, ով բավական տխուր իրավիճակ ներկայացրեց․

-Վերջին շրջանում ահռելի մեծ տեմպերով աճում է ոչ միայն փողոցային կրիմինալը, այլեւ նաեւ ընտանեկան բռնությունների ահագնացող աճ է գրանցվում։ Նման երկրաչափական պրոգրեսիայով աճող մահվան ելքով ընտանեկան բռնության դեպքեր ՀՀ-ում երբեք չեն գրանցվել, էլ չեմ խոսում ինքնասպանությունների ու փողոցային ռազբորկանների մասին։ Սա, բնականաբար, անհանգստացնող է ու պետք է ահազանգ լինի պատկան կառույցների համար, բայց մենք ապրում ենք մի ժամանակաշրջանում, երբ ամենաթողությունն ու անպատժելիությունը ուղղակիորեն խժռել է հասարակությանը։ Մարդկանց մոտ, ցավոք սրտի, ձեւավորվել է մի հոգեբանություն, որ յուրաքանչյուրը կարող է իր հացերը լուծել ու մնալ անպատիժ։ Հասարակության համար նման թիվ մեկ օրինակ է Նիկոլը, ով անում է այն ինչ ուզում է ու մնում անպատիժ։ Մարդիկ մտածում են, որ եթե ՀՀ առաջին դեմքը խախտում է օրենքը ու մնում անպատիժ, ապա ինչու պետք է նրան ընտրողը այդ նույն կերպ չվարվի։ Հանրապետության առաջին դեմքը այսօր վառ օրինակ է ծառայում ՀՀ քաղաքացիների համար, որ ցանկացած հարց կարող է լուծվել օրենքից ու բարոյականությունից դուրս։ Սա է պատճառը, որ մենք այսօր ունենք ագրեսիայի եւ քաոսի ահռելի աճող տենդենց։ 2018թվականից սկսած ՀՀ քաղաքացին տեսել եւ ուսանել է հետեւյալը․ <<Ինչ ուզենք այն էլ կանենք, ոնց կուզենք էդպես էլ կբանակցենք, մեր հարցերը կլուծենք>>։ Ժողովուրդն էլ առօրյանում այդ բանաձեւով առաջնորդվելով գնում է սպանությունների, ինքնասպանությունների, բռնությունների, վստահ լինելով, որ մնալու է անպատիժ։ 

Այսօր ՀՀ-ն ապրում է քաոսի, անպատժելիության մթնոլորտի, պոռնոգրաիան խթանելու ժամանակաշրջանում, անպատժելիության, սոդոմ-գոմոռում։

-Ի՞նչ հետեւանքներով է հղի այս ցավոտ իրավիճակը։

-Լավ հարց էր, որին տալու եմ ցավոտ պատասխան։ Արդյունքն այն է, որ շուտով երկրաչափական պրոգերեսիայով աճելու է սպանությունների, ինքնասպանությունների, սամասուսուդի դեպքերը։ Այն ինչ այսօր ունենք, այս կերպ շարունակվելու դեպքում՝ այսօրա վիճակին երանի ենք տալու։ Մարդիկ վախենալու են փողոց դուրս գալ, որովհետեւ վստահ չեն լինի, որ թեթեւ կոնֆլիկտը, կամ դիմացինի տրամադրությունը կարող է լուրջ հանցագործուծության վերածվել։ Այսօր ՀՀ ժողովրդի մեծամասնության համար գործում է բացառապես գողական օրենքը, ուրիշ օրենք գոյություն չունի։ Մեքենայի թեթեւ ազդանշանը կարող է իրար դանակահարելու պատճառ հանդիսանալ։ Այսօր սպանությունների, իրար սամասուդի ենթարկելու գրանցված դեպքերի մեծ մասը խորը կոնֆլիկտներ չունեն, կենցաղային խնդիրները այսօր վարկյանների ընթացքում վեր են ածվում գողական ռազբորկանների, աֆտարիտետների իրար խառնելուն։ Ամփոփելով խոսքս կարող եմ արձանագրել, որ այսօր շարքային քաղաքացու կյանքը այլեւ անվտանգ չէ ՀՀ փողոցներում, այ սրան ենք հասել։

Այս թեմայով Ավարտվել է Մերձավանում տեղի ունեցած սպանության դեպքի վերաբերյալ 14 անձի մասով քրեական վարույթի նախաքննությունը Դատարանում քաղաքացին հայտարարել է՝ ինքն է կատարել սպանությունը և դիմել փախուստի, կարգադրիչ է մահացել՝ սրտի կանգից. Փաստինֆո Պուտինն Instagram-ում և Facebook-ում գովազդի արգելքի մասին օրենք է ստորագրել «Ժողովուրդ». ԱԳՆ կին դիվանագետի հորը, սպանություն պատվիրելու համար, կալանավորել են. դիվանագետին սպառնում են Կանխամտածված սպանությո՞ւն, թե՞ ինքնապաշտպանություն.Բացառիկ մանրամասներ Էջմիածնի արյունոտ միջադեպից