Ռուսաստանցի պրանկերներ Վովանը և Լեքսուսը զանգահարել են Մեծ Բրիտանիայի ԱԳ նախարարին՝ ներկայանալով որպես Պորոշենկո

Մեծ Բրիտանիայի արտաքին գործերի նախարար Դևիդ Քեմերոնը, ռուսաստանցի պրանկերներ Վովանի (Վլադիմիր Կուզնեցով) և Լեքսուսի (Ալեքսեյ Ստոլյարով) հետ զրույցում ասել է, որ Ուկրաինան ՆԱՏՕ-ին անդամակցելու հրավեր չի ստանա դաշինքի հաջորդ գագաթնաժողովում։

Զրույցի ձայնագրությունը հրապարակվել է պրանկերների թելեգրամյան ալիքում։ Վովանն ու Լեքսուսը, որոնք այլ անձանց անվան տակ զրուցել են համաշխարհային քաղաքականության տասնյակ ազդեցիկ ներկայացուցիչների հետ, ԱԳ նախարարի հետ զրույցն անցկացրել են Ուկրաինայի նախկին նախագահ Պյոտր Պորոշենկոյի անունից։

Նրանք Մեծ Բրիտանիայի արտգործնախարարին հարցրել են ՆԱՏՕ-ի առաջիկա գագաթնաժողովի մասին, որը կանցկացվի հուլիսին Վաշինգտոնում։ Նա պրանկերներին պատմել է, որ Ուկրաինայի նախագահ Վլադիմիր Զելենսկիին անձամբ զգուշացրել է՝ Կիևը չպետք է ակնկալի, որ այս գագաթնաժողովին դաշինքին միանալու հրավեր է ստանալու։ Նա նաև ընդգծել է Ուկրաինայի ղեկավարն այս հարցում չպետք է վիճի արևմտյան գործընկերների հետ։

«Ես պաշտպանում եմ Ուկրաինայի անդամակցությունը ՆԱՏՕ-ին։ Ես միշտ դա արել եմ և վստահ եմ, որ դա տեղի կունենա, բայց այս անգամ այդ հրավերը չի լինի: Այնպես որ, կարծում եմ, որ կարևոր է չվիճել սրա շուրջ»,- ասել է Քեմերոնը պրանկերների հետ զրույցում:

Բացի այդ, նա ասել է, որ Մեծ Բրիտանիան մասնավոր կերպով խնդրում է Ֆրանսիային չսրել հակամարտությունն Ուկրաինայում, այն է՝ զորքեր չուղարկել մարտական գոտի, հակառակ դեպքում, ըստ նրա, ՌԴ նախագահ Վլադիմիր Պուտինը «նոր թիրախ կունենա»։

Քեմերոնը նաև մանրամասներ է հայտնել ԱՄՆ նախկին նախագահ Դոնալդ Թրամփի հետ իր փակ հանդիպման մասին, որի ժամանակ Մեծ Բրիտանիայի ԱԳՆ ղեկավարը փորձել է համոզել նրան չարգելափակել Ուկրաինայի ֆինանսավորումը։ 

Այս թեմայով ՌԴ-ն TAURUS հրթիռներով ցանկացած հարված կդիտարկի որպես Գերմանիայի մասնակցություն պատերազմին. ՌԴ ԱԳՆ Ադրբեջանի պետական «AZ TV» հեռուստաընկերությունը ֆիլմաշարք է սկսել, որտեղ ՀՀ տարածքը հերթական անգամ ներկայացվում է որպես «Արևմտյան Ադրբեջան». ադրբեջանագետ Վատիկանը, որպես պետություն, գլոբալիստների կարևոր ջոկատներից է՝ նրանց դաշնակիցն ու սպասարկուն․ Պատմաբան Այսպիսի իրականություն Հայոց նորագույն պատմության ընթացքում երբեւէ չի եղել. Կովկասագետը Ցեղասպանության ուրացման հետքերով Մի ամբողջ ընտանիք խլած անձը դատապարտվեց հինգ տարվա ազատազրկման. Փաստաբանը մանրամասներ է ներկայացնում