ԵԱ-Մ17. Սեյրան Կիրակոսյանը` փոխչեմպիոն, Նարեկ Գրիգորյանը` բրոնզե մեդալակիր

Հունահռոմեական ոճի ըմբշամարտի Հայաստանի հավաքականի ներկայացուցիչ Սեյրան Կիրակոսյանը (110 կգ) Սերբիայի Նովի Սադ քաղաքում անցկացվող Եվրոպայի Մ17 առաջնությունում դարձել է փոխչեմպիոն։

Մրցաշարի եզրափակիչում հայ ըմբիշը պարտվել է Իվան Յանկովսկիին (Ուկրաինա)։

Մինչև եզրափակիչ հասնելը Կիրակոսյանը 5-2 հաշվով հաղթել էր Գերմանիայի ներկայացուցիչ Ֆերնանդո Պրելիչին և 9-0 հաշվով ուժեղ գտնվել Ռուսաստանը ներկայացնող հայ ըմբիշ Պետրոս Կուրղինյանից: Կիսաեզրափակիչում նա տուշեով առավելության էր հասել  բուլղարացի Դենիս Լազարովի նկատմամբ։ Այդ գոտեմարտում Կիրակոսյանը պարտվում էր 2-8 հաշվով, սակայն 5 միավորանոց հնարք կատարեց, իսկ հետո մրցակցի թիակները սեղմեց գորգին՝ ստիպելով մրցավարին վաղաժամ ավարտել գոտեմարտը։

Հայաստանի հավաքականի մեկ այլ անդամ Նարեկ Գրիգորյանը (65 կգ) դարձել է բրոնզե մեդալակիր` 6-0 հաշվով հաղթելով Սերբիայի ներկայացուցչին։

Հիշեցնենք, որ հունիսի 25-ին մրցագորգ դուրս եկած ըմբիշներից Մարատ Աճեմյանը (45 կգ), Յուրիկ Մխիթարյանը (51 կգ) և
Ալեքս Մարգարյանը (60 կգ) նույնպես դուրս են եկել եզրափակիչ ու պայքարելու են չեմպիոնի տիտղոսի համար, իսկ Արթուր Ամոյանը (71 կգ) կգոտեմարտի բրոնզե մեդալի համար։

Այս թեմայով 18-ամյա աշակերտի ինքնասպանության թնջուկը նոր երանգներ է ստանում. Դպրոցը հերքում է, հայրը՝ վստահեցնում Հայտնի են Հայաստանի երիտասարդ չեմպիոնները Մ-23. Արամայիս Հարությունյանը` Եվրոպայի չեմպիոն(տեսանյութ) Նիկիտա Սիմոնյանը օլիմպիական չեմպիոներից ամենատարեցն է Հայկ Սարգսյանին կուսակցությունից հեռացնելու հարց չի քննարկվում. Ալեքսանյան