Աշխարհ կանգնիր, իջնող կա. ԶԱՐՄԱՆՔ

Աշխարհ կանգնիր, իջնող կա: Նիկոլ Փաշինյանի հատուկ հանձնարարություններով նախկին դեսպան, ԼՀԿ նախագահ ԷԴՄՈՆ ՄԱՐՈՒՔՅԱՆՆ անդրադարձել է ԱԺ «Հայաստան» խմբակցության ղեկավար Սեյրան Օհանյանին` մասնավորապես նշելով. «Եթե մի ընդդիմություն ուզում է, Ալեն Սիմոնյանի ականջին բան ասելով, հարց լուծի, իրեն էլ ասում են՝ գնա էստեղից… Ես ամաչում էի, որ դա նայում էի, դա չմոյություն է, խայտառակություն է: Ու դրանից հետո շարունակում եք գնալ խորհրդարա՞ն»: Քավ լիցի, հարցն այն չէ, թե ճիշտ է ասում, թե` սխալ, բայց զարմանալի է, որ «չմոյության» մասին խոսում է Սասուն Միքայելյանի եւ այլ ՔՊ–ականների կողմից խորհրդարանում քացու տակ ընկած Էդմոնը, ում նույն Ալեն Սիմոնյանը «քաղաքական տրյապկա» էր անվանում, իսկ հետո դարձավ Նիկոլի հատուկ հանձնարարություններով ըըըը… դեսպանը: Մեկը լինի հարցնի` Մարուքյան Էդմոնին, բա ինքն այն ժամանակ ինչո՞ւ մանդատը չդրեց:

Եթե Հայաստանի ներքաղաքական կյանքը դարձել է խայտառակություն, ապա արտաքին քաղաքականությունն ավելի ողբերգական է: Օրվա իշխանության հակաբելառուսական դեմարշը նոր երանգներ է ստանում: Վիլնյուսում ԱԳ նախարար ԱՐԱՐԱՏ ՄԻՐԶՈՅԱՆԸ հանդիպել է Բելառուսի ընդդիմադիր լիդեր Տիխանովսկայայի հետ: Իբր մարսե՞լ էր Հայաստանը Սիմոնյան Ալենի ու Տիխանովսկայայի հանդիպումը, հիմա էլ սա: Զարմանալի է, որ Միրզոյան Արոն այդպես էլ չհասկացավ, որ ամեն անգամ Նիկոլ Փաշինյանը հենց իրեն է որոշում «փուռը» տալ: Այս մասին ուշագրավ դիտարկում է արել քաղաքագետ Գագիկ Համբարյանը. «Նիկո՛լ, եթե այդքան տղա ես, ապա Տիխանովսկայայի հետ հանդիպի դու, այլ ոչ թե «վեցնոցդ», ու ոչ թե ինչ-որ երկրի մայրաքաղաքում, այլ` Երեւանում... Շատ ծիծաղելի է, երբ համաշխարհային «տուզիկ» կապիտուլյանտի տիտղոսակիր Նիկոլը փորձում է «կծել» Բատկայի կրունկը..»: 

Կրունկ ասեցինք, հիշեցինք հունիսի 12-ին Բաղրամյան պողոտայում ոստիկանության կողմից կիրառված լուսաձայնային նռնակների հետեւանքով ձեռքի դաստակը կորցրած ԵՍԱՅԻ ՔԱՐԱՄՅԱՆԻՆ: Պարզվում է` դեռեւս տուժող չի ճանաչվել։ Նիկոլի իշխանության օրոք, իհարկե, ամեն ինչ հնարավոր է, բայց զարմանալին ամերիկյան ու արեւմտյան դեսպանատների ո՛չ տեսնելն է, ո՛չ լսելը: Մի ԼԳԲՏ-ական, որ ձեռքը չէ, անգամ ձեռնոցը կորցներ, հիմա ճղել էին իրենց տիկնայք ու պարոնայք դեսպանները, բայց քանի որ խոսքը 44-օրյա պատերազմի մասնակցի մասին է, լռում են:

Մենք ապրում ենք այնպիսի խառը ժամանակներում, որ գեղեցիկը կարող է ոչ թե փրկել աշխարհն, այլ վնասել գույքը: Oragir.News-ը երեկ դիմել է ոստիկանություն` տեղեկացնելով, որ հայտնի մոդել ԱՆԻՏԱ ՀԱՐՈՒԹՅՈՒՆՅԱՆԸ, որը նախկինում թեպետ ուներ ընդդիմադիր հայացքներ, բայց այսօր աջակցում է Նիկոլ Փաշինյանին ու «Քաղաքացիական պայմանագիր» կուսակցությանը, ներխուժել է խմբագրություն եւ վնասել գույքը: Այո՛, մեր օրերում այսպիսի «գեղեցիկ» «անակնկալներ» էլ են լինում: Այդուհանդերձ, ո՞րն է եղել առանց հրավեր` այցի պատճառը, կհարցնեք դուք: Պարզվում է` Անիտա Հարությունյանին դուր չի եկել լրատվամիջոցի մի հրապարակում, որտեղ հղում անելով իրենց աղբյուրներին` անդրադարձել էին ինչ-ինչ մանրամասների` նրա Դուբայ կատարած այցի վերաբերյալ: Անիտա Հարությունյանը խմբագրությունում սպառնացել է նյութը չհեռացնելու դեպքում` համակարգիչները ջարդել։

Զարմացած է «Իրավունք»-ը

Այս թեմայով Արարատ Միրզոյանը Տալինում ծաղիկներ է խոնարհել կոմունիզմի զոհերի հիշատակին Հայաստանը պատրաստ է ամբողջությամբ բարելավել հարաբերությունները Թուրիքայի հետ․ Միրզոյան ՇՏԱՊ. Պայթյուն՝ Աղվերանում հայտնի «Արարատ ռեզորթ» հյուրանոցի անցակետում. կա վիրավոր Հայաստանը խորացնում է գործընկերությունը Եվրամիության հետ․ Արարատ Միրզոյան Մեզ համար կարևոր է նաև վիզաների ազատականացման հարցը, որը մեզ ավելի կմոտեցնի ԵՄ-ին. Միրզոյան (տեսանյութ)