ԵՎՐՈ-2024. Իսպանիան խոշոր հաշվով հաղթեց խորվաթներին(տեսանյութ)

Գերմանիայում մեկնարկած ֆուտբոլի Եվրոպայի առաջնության B խմբում Իսպանիան Բեռլինի Օլիմպիական ստադիոնում մրցեց Խորվաթիայի հավաքականի դեմ և հաղթեց 3-0 հաշվով։

Իսպանացիները հաշիվը բացեցին 29-րդ րոպեին,  Ֆաբիան Ռուիսի փոխանցումից հետո Ալվարո Մորատան մեն-մենակ դուրս եկավ Դոմինիկ Լիվակովիչի դիմաց և գրավեց խորվաթների դարպասը:

Երեք րոպե անց էլ կատալոնական «Բարսելոնայի» կիսապաշտպան Պեդրիի փոխանցումից հետո էլ Ռուիսը գեղեցիկ հարվածով կրկնապատկեց թիմի առավելությունը։

Առաջին խաղակեսի ավելացված ժամանակի երկրորդ րոպեին էլ  Լամին Յամալի տպավորիչ փոխանցումից հետո գոլի հեղինակ դարձավ Մադրիդի «Ռեալի» պաշտպան Դանի Կարվախալը:

80-րդ րոպեին Բիլբաոյի «Աթլետիկի» դարպասապահ Ունայ Սիմոնի սխալ փոխանցումից հետո խորվաթները կարող էին գրավել իսպանացիների դարպասը, սակայն Ռոդրին խախտեց կանոնները դարպասային հրապարակում, մրցավարն էլ 11-մետրանոց նշանակեց:  Բրունո Պետկովիչը նշակետից վրիպեց: Հաշվում այլ փոփոխություններ թիմերին գրանցել չհաջողվեց։

Իսպանիա - Խորվաթիա՝ 3-0 (տեսանյութ)

Այս թեմայով ԱՄՆ-ի և Եվրոպայի անվերապահ բարեկամության դարաշրջանը ավարտվել է. Մերց Ռուսաստանի հարձակումները Եվրոպայի վրա գնալով ավելի հանդուգն և վտանգավոր են դառնում. Bloomberg Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով Հայաստանի հավաքականի կիսապաշտպանը մոտ է նոր ակումբ տեղափոխվելուն «Արարատ-Արմենիան»` Եվրոպայի լիգայի հիմնական փուլի մասնակից