Ակնհայտ ստեր են անպատկառորեն շաղ տալիս. Տեր Եղիշեն՝ Ռուբեն Ռուբինյանին

«Համատարած ստի, կեղծիքի, մանիպուլացիայի, ապաշնորհության այս թնջուկի մեջ պարզապես ուզում ես ասել` Տեր, ներիր նրանց, որովհետեւ չեն հասկանում, թե ինչ են անում: Բայց գոնե իսկապես չհասկանային, թե ինչ են անում, ի՛նչ պատուհաս են փորձում բերել այն արժեքների գլխին, առանց որոնց որեւէ ազգ դիմագիծ ունենալ չի կարող: Չհասկանային, բացատրեինք, հասկացնեինք: Մարդ անգամ ամաչում է անդրադառնալ այն ակնհայտ ստերին, որոնք անպատկառորեն շաղ են տալիս ոմանք՝ հայտնի ամբարտավան շրջանակից: Ինչպես, դա արեց երեկ, օրինակ, կարկառուն աթոռապաշտ Ռուբին Ռուբինյանը: Մեկը նրանցից, որոնք լծված են միեւնույն գործին` փորձել ապականել, վարկաբեկել, իմաստազրկել ամեն լավ ու արժեքավոր բան: Երեկ պարզ դարձավ, որ հանուն աթոռի ոչ միայն խոսքով, այլեւ գործով են կանգնած ազգային արժեքների դեմ պայքարի խրամատում: Պատրաստ են նույնիսկ մարդ անդամախեղել: Եվ ամենաաբսուրդը. իրենց ահաբեկչության պատասխանատվությունը ցինիկաբար պատվիրակել ո՛չ ավելի, ո՛չ պակաս Վեհափառ Հայրապետին: Ստացվում է, որ «ժողովրդավարության այս օրրանում» արդար բողոքի ձայնը կարող է լռեցվել նույնիսկ զենքով: Իսկ իրենց` «ժողովրդավարության հայրերին», թույլատրելի է շաղակատրել` առանց պատասխանատվության դույզն ինչ զգացումի: Առակաց գրքի հեղինակը վստահաբար այդ տեսակին է ի նկատի ունեցել, երբ ասել է. «Անզգամը չարիք է նյութում, երբ գործ է ունենում արդարի հետ, եւ ատում է զգուշության ձայնը» (Առ. 11:15)», - անդրադառնալով ԱԺ փոխնախագահ Ռուբեն Ռուբինյանի հակաեկեղեցական հայտարարություններին՝ գրել է Վերին Արտաշատի Սուրբ Աստվածածին եկեղեցու հոգեւոր հովիվ Արժանապատիվ ՏԵՐ ԵՂԻՇԵ քահանա ՆՈՒՐԻՋԱՆՅԱՆԸ:

Այս թեմայով Վեհափառ Հայրապետը բարձրաստիճան հոգևորականների հետ այցելել է Եռաբլուր Ներկայիս բարդ պայմաններում անհրաժեշտ է մնալ համախմբված հայրենիքի շուրջ․ Վեհափառի շնորհավորական ուղերձը Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Դատապարտելի է իշխանությունների կողմից Հայ Եկեղեցու սահմանադրական կարգավիճակի ոտնահարումը. Գերագույն հոգևոր խորհուրդ «Ժողովուրդ». Գլխավոր մարզիչ Եղիշե Մելիքյանի մայբախը խոշոր վթարի կենտրոնում. վարույթ կա