Հիմա հունիսի 17-ին լինելո՞ւ է արտահերթ նիստ, թե՞ չի լինելու

Անկախ նրանից, որ Ազգային ժողովի պետական-իրավական հարցերի մշտական հանձնաժողովը մինչեւ երկու ամսով հետաձգել է ԱԺ «Պատիվ ունեմ» եւ «Հայաստան» խմբակցությունների հեղինակած «Կառավարության հրաժարականի եւ նոր կառավարություն ձեւավորելու անհրաժեշտության մասին» ԱԺ ուղերձի նախագիծը, ԱԺ «Պատիվ ունեմ» խմբակցության քարտուղար ԱՐԾՎԻԿ ՄԻՆԱՍՅԱՆԸ պնդում է` նիստը կայանալու է:

— Սա իրավունքի ուժով պարտադրված նիստ է եւ պետք է գումարվի: Միայն մնում է, որ ՔՊ-ն ունենա կամք եւ գա այդ նիստին, որպեսզի իրենց հակափաստարկները բերեն այն փաստի շուրջ, որ այս կառավարությունն անելիք չունի եւ պետք է հեռանա։ Հունիսի 17-ին` ժամը 18:30-ին, նիստը գումարվելու է: Ինչ վերաբերում է ԱԺ պետական-իրավական հարցերի մշտական հանձնաժողովի նիստի անցկացմանը, այն հակաօրինական է եղել, քանի որ ԱԺ նիստին զուգահեռ չեն կարող նիստ հրավիրել, մեզ էլ որեւէ կերպ չեն զգուշացրել, որ նիստ են ացկացնում: Սակայն դա ոչ մի ձեւով չի ազդում, որ, կրկնում եմ` հունիսի 17-ին` ժամը 18:30-ին, իրավունքի ուժով գումարվի ԱԺ արտահերթ նիստ:

Այս թեմայով Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Աշնանային սրացումներ ԱԺ-ում․ ԶԱՐՄԱՆՔ Հայ ռազմագերիների պաշտպանության հարցով դիմել եմ ՄԻՊ Անահիտ Մանասյանին․ Լիլիթ Գալստյան Ալեն Սիմոնյանը թվերի հետ էլ խնդիր ունի՞, թե՞ մոռացել է որ գումարման ԱԺ նախագահն էր Ռուսաստանի հետ բարեկամությունը՝ խոսքո՞վ, թե՞ գործով