Սվինների վրա հիմնված ոստիկանապետությունը շուտով փլվելու է

«Սահմանադրական Իրավունք Միություն» կուսակցության

հայտարարությունը

հունիսի 12-ին տեղի ուենցած բռնությունների վերաբերյալ

Սույն թվականի հունիսի 12-ին Հայաստանի Հանրապետությունում իշխանությունը բռնի զավթած Նիկոլը եւ նրա խմբակը ոստիկանական բիրտ ուժ կիրառեցին Բաղրամյան պողոտայում գտնվող խաղաղ ցուցարարների դեմ, որի արդյունքում 100-ից ավելի խաղաղ ցուցարարներ ստացան վնասվածքներ, այդ թվում` ծանր, եւ տեղափոխվեցին հիվանդանոցներ: ՍԻՄ կուսակցությունը խստիվ դատապարտում է խաղաղ ցուցարարների դեմ անհամաչափ ու բիրտ ուժի կիրառումը եւ համարում է այն ՀՀ սահմանադրությամբ ՀՀ քաղաքացիներին տրված իրավունքների կոպտագույն զանգվածային խախտում: 

ՍԻՄ կուսակցությունը շարունակում է պահանջել Նիկոլ Փաշինյանի եւ նրա հանցավոր խմբակի հրաժարականը եւ այդ պահանջի շրջանակում աջակցում է «Տավուշը հանուն հայրենիքի» շարժմանը եւ նրա առաջնորդ Բագրատ սրբազանին:

Միաժամանակ մենք խստիվ դատապարտում ենք Ազգային ժողովում իշխանությունը զավթած «Քաղաքացիական պայմանագիր» կուսակցության կողմից ընդդիմադիր պատգամավորների հանդեպ կիրառվող հակաօրինական եւ հակաբարոյական գործողությունները, որոնցով խախտվում է ՀՀ Սահմանադրությամբ սահմանված պատգամավորի կարգավիճակը, ինչպես նաեւ` խորհրդարանական ընդդիմադիր խմբակցության իրավունքները:

Մենք կոչ ենք անում ընդդիմադիր պատգամավորներին` դադարեցնել այս պայմաններում իրենց աշխատանքը ՀՀ Ազգային ժողովում եւ այդ հարթակում բոլոր շփումները իշխանությունը զավթած սահմանադրախախտ եւ դավաճանական խունտայի ներկայացուցիչների հետ եւ հրաժարվել ԱԺ մանդատներից, պահանջ դնելով նման դեպքում ՀՀ Սահմանադրությունից բխող արտահերթ ընտրությունների անցկացման վերաբերյալ: Կոչ ենք անում նաեւ «Տավուշը հանուն հայրենիքի» շարժմանը` հստակեցնել իրենց մարտավարությունը, ղեկավար կազմը եւ քաղաքական օրակարգը:

Մենք փաստում ենք նաեւ, որ Մարդու իրավունքների պաշտպանությամբ զբաղվող արեւմտյան կազմակերպությունները, ինչպես նաեւ արեւմտյան մամուլի միջոցները գրեթե չեն արձագանքում եւ չեն դատապարտում Հայաստանում տեղի ունեցող մարդու իրավունքների զանգվածային ոտնահարումները: Նույնկերպ արեւմտյան երկրների դիվանագիտական կորպուսը, Եվրամիությունը եւ այլ միջազգային կազմակերպությունները որեւէ կերպ չեն արձագանքում խաղաղ ցուցարարների եւ ընդդիմադիր պատգամավորների դեմ կիրառվող բռնապետական մեթոդների վերաբերյալ: Այստեղից կարելի միանշանակ եզրակացնել, որ արեւմտյան քաղաքական շրջանակները աջակցում են նրանց հլու-հնազանդ ծառայող Նիկոլին` իշխանությունը պահելու եւ դրա համար ցանկացած հանցավոր քայլ կատարելու մեջ:

Հատկանշական է, որ իշխանությունները դիմեցին բիրտ ուժի ու հակաօրինական գործողությունների այն բանից հետո, երբ ԱՄՆ դեսպանն այցելեց Ազգային ժողով, իսկ Մեծ Բրիտանիայի դեսպանը՝ կառավարություն:

Սակայն պատմական փորձը ցույց է տալիս, որ ոչ մի դիկտատուրա, որը հիմնված է անգամ գազանային մեթոդներով այլախոհներին ու ընդդիմադիրներին ճնշելու վրա, երկար չի կարող գոյատեւել: Սվինների վրա հիմնված ոստիկանապետությունը մի օր փլվելու է, եւ բոլոր հանցագործները կանգնելու են դատարանի առջեւ:

«Սահմանադրական իրավունք միություն» կուսակցության նախագահություն

ՆԱԽԱԳԱՀ` ՀԱՅԿ ԲԱԲՈՒԽԱՆՅԱՆ

Երեւան, 13 հունիսի 2024 թ.

Այս թեմայով Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Մհեր Ավետիսյանը կա՛մ տեղյակ չէ ՀՀ-ում ինչ է կատարվում եւ հենց այնպես խոսում է, կա՛մ… Հայկ Բաբուխանյան ԱՀԱԶԱՆԳ. Արցախի հարցը փակվում է ոչ միայն քաղաքական, այլև բարոյաիրավական հարթությունում Կոռուպցիան հավասարեցրեք հայրենիքի դավաճանությանը, իսկ կոռումպացված պաշտոնյաներին՝ դավաճանների, ընդհուպ մինչև յոթ պորտ ԱՄՆ-ն կճանաչի Ռուսաստանի նոր տարածքները հանուն խաղաղության. The Telegraph