Երեսպաշտություն է, ինչո՞ւ են լուռ արեւմտյան դեսպանատները. «Կամք»-ը բողոքի ակցիաներ իրականացրեց

Ազգային արժեքների պաշտպանության «Կամք» հասարակական նախաձեռնությունը «Ո՛չ երկակի ստանդարտներին» եւ «Հերի՛ք է լռեք» կոչերով բողոքի ակցիաներ իրականացրեց Մեծ Բրիտանիայի, Ֆրանսիայի եւ ԱՄՆ-ի դեսպանատների դիմաց: «Կամք»-ականները նաեւ բաց նամակներ հանձնեց դեսպանություններին՝ դատապարտելով նրանց քար լռությունը:

«Ակնհայտ քաղաքական հետապնդման օրինակ է «Կամք»  հասարակական նախաձեռնության ղեկավար Վահագն Չախալյանի խստացված ռեժիմով տնային կալանքի ենթարկելը, որի  նպատակը մեկն է՝ մեկուսացնել քաղաքական գործընթացներից: Հիշատակության արժանի է Ամենայն Հայոց կաթողիկոսի մուտքը Սարդարապատի հուշահամալիր խոչընդոտելը, Բագրատ սրբազանին՝ Աբովյան փողոցում եւ ԱԳՆ շենքի մոտ քաշքշելը, Ազգային ժողովի պատգամավոր Աշոտ Սիմոնյանին  40 ոստիկաններով ծեծի ենթարկելը, արտգործնախարարության մոտ նախկին փոխնախարար Աշոտ Հարությունյանին բռնության ենթարկելը եւ կալանավորելը», - ընդգծեց «Կամք»-ական, 44 օրյա պատերազմի մասնակից ԱՐՄԱՆ ՄԽԻԹԱՐՅԱՆԸ:

Ա. Մխիթարյանն ընդգծեց, որ երբ երկրի ղեկավարը վերոնշյալ պետությունների դրածոն է լինում, իրենք աչք են փակում տեղի ունեցողի վրա եւ երկակի ստանդարտներով են շարժվում, իսկ իրենց իսկ հռչակած արժեքներին, իրենք էլ չեն հավատում եւ օգտագործում են այն ժամանակ, երբ իրենց է պետք:

«Ներկայումս իրականացվում է սահմանազատում եւ սահմանագծում անվանված հակաիրավական գործընթացը, որն ակնհայտորեն իրականացվում է Ադրբեջանի կողմից ուժի եւ ուժի սպառնալիքի ներքո: Հաշվի առնելով այդ ամենը՝ քաղաքացիներն իրենց բողոքն են արտահայտում՝ խաղաղ գործողությունների միջոցով իրացնելով իրենց անհամաձայնությունն արտահայտելու հիմնարար իրավունքը: Դրան ի պատասխան Հայաստանի գործող իշխանությունը ոստիկանական ուժերի միջոցով կիրառում է  անհամաչափ բռնի ուժ», - ընդգծեց «Կամք»-ական ՄԻՆԱՍ ՆՈՎՇԱԴՅԱՆԸ:

Ըստ Մ. Նովշադյանի, այս ակցիաները նպատակ ունեն բացահայատելու, թե ինչու են լուռ այն դեսպանատները, որոնք ժամանակին անընդհատ միջամտում էին մեր երկրի ներքին գործերին՝ մարդու իրավունքների պաշտպանության եւ ժողովրդավարության անվան տակ:

«Մենք հատուկ գնացինք այն դեսպանատները, որոնք, ասենք, համապետական ընտրության մեկ ավել քվեաթերթիկի դեպքում կամ ոստիկանի կոպիտ վերաբերմունքի համար ասուլիս էին հրավիրում, միջամտում էին երկրի ներքին գործերին: Մինչդեռ 2018 թվականից հետո՝ նկատում ենք, որ այս մարդիկ ուղղակի լուռ են, ձայն չեն հանում: Սա ցույց է տալիս, որ իրենց հռչակած ժողովրդավարության, մարդու իրավունքների պաշտպանության մասին արժեքները, որոնց համար նրանք միջամտում էին մեր երկրի ներքին գործերին, ուղղակի, կեղծ են: Իրենց արածը մինչեւ հիմա եղել է երեսպաշտություն: Եթե երկրի  ղեկավարն իրենց ցանկալի դրածոն չէ, իրենք կմիջամտեն, բայց եթե իրենց  դրածոն է, ուղղակի, աչք են փակում, ու սա արդեն ճչացող երեւույթ է», - եզրափակելով խոսքը՝ ընդգծեց նա:

Հիշեցնենք, որ կառավարության դիմաց «Կամք»-ականների դեմ մի ՔՊ-ականի կողմից կազմակերպված սադրանքից հետո՝ Վ. Չախալյանը բերման էր ենթարկվել, ապա՝ կալանավորվել: Դատարանի որոշմամբ՝ նրա նկատմամբ կիրառվել է այլընտրանքային խափանման միջոց՝ երկու ամսյա տնային կալանք:

ՀՐԱՆՏ ՍԱՐԱՖՅԱՆ

Այս թեմայով Վահագն Ալեքսանյանի խոսքով՝ հաջորդ նկատողությունից հետո Հայկ Սարգսյանը, ենթադրաբար, ՔՊ-ից կհեռացվի Աշնանային սրացումներ ԱԺ-ում․ ԶԱՐՄԱՆՔ Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս ՇՏԱՊ. ՀՀ նախագահ անճանաչելիորեն փոխվել է. ՖՈՏՈ Կիվուն խոսել է Մխիթարյանի մեկնարկային կազմ վերադարձի մասին