Մեկ ամսում շարժման ակտիվից 7 հոգի կալանավորվել է, առնվազն 5-ի նկատմամբ կիրառվել է տնային կալանք

Լրանում է ուղիղ մեկ ամիսը, ինչ Բագրատ սրբազանի առաջնորդած շարժումը քայլերթով հասավ Երեւան: Թե այս ընթացքում ինչպիսի բռնաճնշումներ են կիրառվել շարժման մասնակիցների նկատմամբ` իրավական հարթությունում, «Իրավունք»-ը հետաքրքրվեց շարժման «Հինգ իրավապաշտպանների» նախաձեռնության համահիմնադիր, իրավապաշտպան ՌՈՒԲԵՆ ՄԵԼԻՔՅԱՆԻՑ:

— Շարժման ակցիաների հետ կապված` որքա՞ն կալանավորված անձ կա` մայիսի 9-ից սկսած մինչ առ այս պահը։

— Այս պահին մենք ունենք 7 կալանավորված անձ, որոնցից զատ կան նաեւ տնային կալանքի տակ գտնվող եւս մի քանի անձինք։ Առնվազն 5 տնային կալանքի տակ գտնվող անձինք կան այս պահին։ Ընդ որում` տնային կալանքի տակ գտնվելը շատ հստակ բովանդակություն ունի` առ այն, որ մարդը տանից դուրս գալու իրավունք չունի։ Ավելին, բոլորի դեպքում առկա է հաղորդակցության սահմանափակում։ Այդ մարդիկ ոչ միայն տանից դուրս գալու իրավունք չունեն, այլ նաեւ իրավունք չունեն որեւէ մեկի հետ հաղորդակցվել։ Սա եւս կարեւոր է նշել, քանի որ տնային կալանքը շատ խիստ խափանման միջոց է:

— Հիմնականում ձերբակալված ու կալանավորված անձինք ԱԳՆ-ի դիմաց տեղի ունեցած ակցիայի մասնակիցնե՞ր են, թե՞ այլ դրվագներ եւս կան` Ազգային արժեքների պաշտպանության «Կամք» հասարակական նախաձեռնության հիմնադիր Վահագն Չախալյանից բացի:

— Այո, 3 անձ կալանավորված է ԱԳՆ-ի դիմացի ակցիաների հիման վրա, մեկը տնային կալանքի տակ է, իսկ մյուս 2-ը` Արցախի Ստեփանակերտի եւ Մարտակերտի քաղաքապետներն են եւ եւս մեկ արցախցի, ով Հ1-ի հայտնի ռեպորտաժից հետո էր կալանավորվել: Մեկն էլ կիրանցի է` երկրապահի վիլիսի դեպքով։ Ինչ վերաբերում է Վահագն Չախալյանին, նա տնային կալանքի տակ է, իսկ մյուսները, որոնք այդ դրվագով ձերբակալվել էին, բաց են թողնվել։ Ամեն քայլափոխի նոր դեպքեր են շարունակում տեղի ունենալ։ Բռնում են, այնուհետեւ տարբեր խափանման միջոցներ կիրառում:

ԴԻԱՆԱ ՄԱՆՈՒԿՅԱՆ

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Մանկատան երեխային ծեծի ենթարկած դայակի նկատմամբ խափանման միջոց է ընտրվել տնային կալանքը ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան