Եկեղեցու դեմ արդարադատության նախարարությանը հանձնարարական իջեցվե՞լ է

Սոցցանցերում լայնորեն տիրաժավորվում են լուրեր այն մասին, թե Նիկոլ Փաշինյանը հանձնարարականներ է տվել Արդարադատության նախարարությանը, մասնավորապես` նախապատրաստել իրավական հիմքեր եւ անհրաժեշտ փաստաթղթեր` Հայ Առաքելական Սուրբ եկեղեցու գործունեությունը պաշտոնապես կասեցնելու համար՝ զանգվածային բողոքի ակցիաների կազմակերպման եւ ապակայունացման հետ կապված նրա գործողությունների սահմանադրականության ստուգման համար։ Թե որքանո՞վ է այս տեղեկատվությունը համապատասխանում իրականությանը, կամ արդյոք եղել է նման կամ այս հարցին առնչվող որեւէ այլ հանձնարարական Նիկոլ Փաշինյանի կողմից, «Իրավունք»-ը հետաքրքրվել է հենց Արդարադատության նախարարությունից:

Մեր հարցմանն ի պատասխան` ՀՀ արդարադատության նախարարության գլխավոր քարտուղար ՍԻՐՎԱՐԴ ԳԵՎՈՐԳՅԱՆԸ նշել է հետեւյալը. «Ի պատասխան Ձեր հարցմանը` հայտնում ենք, որ Հայ Առաքելական Սուրբ եկեղեցու գործունեությունը պաշտոնապես կասեցնելու իրավական հիմքեր եւ անհրաժեշտ փաստաթղթեր նախապատրաստելու կամ Ձեր գրությամբ մատնանշված այդ հարցին վերաբերող որեւէ այլ հանձնարարական արդարադատության նախարարին չի տրվել»:

Ի դեպ, մամուլում նաեւ շրջանառվում են լուրեր, թե Ազգային ժողովը պատրաստվում է առաջիկա քառօրյային նոր օրինագիծ քննարկել` Հայ Առաքելական Սուրբ եկեղեցու դեմ, որը վերաբերելու է նոր հարկային բեռ Մայր Աթոռի վրա դնելուն, սակայն խոսակցություններից եւ որոշ պատգամավորների հոխորտանքներից անդին` որեւէ փաստաթուղթ մինչ այս պահը չի շրջանառվում:

ՀՐԱՆՏ ՍԱՐԱՖՅԱՆ

Այս թեմայով Ամեն դեպքում, խոսե՛ք, ասեք՝ ո՞նց մեզ սպանեցիք, հանուն ինչի՞ սպանեցիք. Զոհված հերոսի մայր Ասենք ինչ բոյի դերասաններ եք գյա, մարտունուց հելել էս անձրևին հասնում են Գյումրի որ երգ լսեն Առանց ԴՕԿ կուսակցության որդեգրած բանաձևի՝ հնարավոր չէ մաքրել ավգյան ախոռները. Հայտնի իրավապաշտպանը նախընտրական ռեպրեսիաների մասին Որ նախարարություններն են հասարակական հիմունքներով օգտվում ԼԳԲՏ+ համայնքի խորհուրդներից Ինչու է հայտնի փաստաբանը կանգնել Վարդան Ղուկասյանի կողքին. Սուրբ Հարության տոնին բացահայտում է անձամբ աղմկահարույց գործերով իրավապաշտպանը