ՀՐԱՏԱՊ. Արջն ականջիդ ինչ ասեց. Արջերը ներխուժում են բնակավայրեր

Իրավունք թերթին ահազանգած քաղաքացին, սարսափած պատմում էր արջերի կողմից իրականացվող «ավազակային» հարձակումների մասին.«Ընտանիքս վախենում է տանից դուրս գա։Թոռնիկներիս անգամ արգելել ենք բակ դուրս գան,խաղալու։Այգում դրած փեթակներն օրեր առաջ արջը ջարդել էր,փորձել էր մտնել նկուղ,մի խոսքով մեր բնակավայրի տեր ու տնօրեններն արջերն են։ Դիմել ենք տարբեր մարմինների,ասում ենք կամ միջոցներ ձեռնարկեք ,պաշտպանեք մեր անվտանգությունը,կամ թույլատրեք խփենք դրանց։ Ասում են, որ եթե կրակենք ,սպանենք ,դատվելու ենք, կարմիր գրքում գրանցված կենդանի է ,յոլա տարեք»։ «Իրավունքը» հարցի մեկնաբանման համար դիմեց իրավունքի և ընդհանրապես չորրորդ իշխանության լավ բարեկամ, աղմկահարույց գործերով փաստաբան ԼԵՎՈՆ ԲԱՂԴԱՍԱՐՅԱՆԻՆ, խնդրելով տալ իրավայան գնահատական, եւ ահա հայտնի փաստաբանը նկատում է.
_Տարիներ առաջ  հայտնի պանսիոնատներից մեկում, որտեղ հանգստանում էինք մի քանի ընկերներով ընտանիքի անդամներով , դիմացի սարից իջավ արջը, մոտեցավ  ,ժամեր առաջ մեր կողմից թողած ձմերուկի, սեխի մնացորդները կերավ ,հեռացավ։ Եթե դրանից հետո բախտը փորձեր ,ցանկություն հայտներ մեզ ուտեր, կամ վնասեր,ապա անձամբ ես առանց աչքս թարթելու  արջի լեշը կփռեի իմ օրինական զենքով, իսկ եթե վնասեր հարևանությամբ կայանած մեր մեքենաները,ապա վնասի հատուցման պահանջ կներկայացվեր համապարտ կարգով պետության և պանսիոնատի տնօրինության դեմ։
      Իմ անձնական օրինակով ցույց տվեցի, թե ինչպես կվարվեմ ես։ Այն բնակավայրերը, ովքեր արջերի հարձակումների թիրախում են,պետական լիազոր մարմինների կողմից ենթակա են պաշտպանության,որոնց բացակայության պայմաններում օրենքով սահմանված կարգով և չարգելված եղանակով քաղաքացիներն ունեն ինքնապաշտպանության իրավունք,ընդհուպ արջի լեշը փռելով,փայտով,քարով,զենքով և այլն,եթե արջի կողմից ռեալ վտանգ է եղել  ուղղված մարդու կյանքին ու առողջությանը, անկախ նրանից ,արջը կաչ։իր գրքում է գրանցված ,թե ոչ։
    Ինչ վերաբերվում է անձի գույքին պատճառած վնասին ,ապա թող հաշվեն վնասը և օրենքով սահմանված կարգով այն պահանջեն Հահաստանի Հանրապռտությունից,ի դեմս ֆինանսների նախարարության։
      Հարկավոր է իմանալ։Հայաստանում ապրող արջերը հեքիաթներից մեզ հասած բարի և անշառ արջերը չեն։ Դրանք աշխարհի ամենավտանգավոր ,անկախատեսելի ,իրենց սառբասրտությամբ վագրերին ու առյուծներին չզիջող գիշատիչներ են,ովքեր վազում են մարդուց մի քանի անգամ արագ, ունեն հսկայական ուժ, կոտրելու ծանր դռներ,մեքենաներ։