Վարչապետի պաշտոնը զավթածն անդառնալի քաղաքական հոգեւարքի մեջ է. Հենրիխ Դանիելյան

«Շատ խոսուն է երկիրը զավթած «կառավարչի» վիճակը։ Երբ Սրբազան շարժման առաջնորդը մեղադրում է Նիկոլին, որ նա այլեւս ժողովրդավար չէ եւ առաջ հեծանիվով էր ման գալիս, իսկ հիմա թաքնվում է հարյուրավոր ոստիկանների ետեւում, այս անմեղսունակը, ով խոսում է շարժման մարած լինելուց, այսօր հեծանիվով լայվ է մտնում՝ այդ արարքով ապացուցելով, որ ինքն արդարանում է Սրբազանի առաջ։ Սրբազան շարժումն է որոշում Նիկոլի ու նրա կնոջ տեղաշարժը եւ անելիքները։ Սրբազան շարժումն է որոշում Նիկոլի նախարարների եւ պատգամավորների տարբեր շենքերից դուրս գալու եւ մուտք գործելու ժամերը։ Սրբազան շարժումն է որոշում, թե Նիկոլը ինչքան մնա կառավարության շենքում ու երբ ճողոպրի այդ շենքից։ Սա ավելի քան խոսում է այն մասին, որ Նիկոլը պարզապես ձեռքերը բարձրացրել է եւ հանձնվում է իր կապիտուլյանտական ոճով։ Այլեւս պետք է փաստել մեկ բան, որ վարչապետի պաշտոնը զավթած անձնավորությունը անդառնալի քաղաքական հոգեւարքի մեջ է», - գրել է ՀՀԿ ԵԿ ղեկավար ՀԵՆՐԻԽ ԴԱՆԻԵԼՅԱՆԸ։