ՇՏԱՊ. Լեո Նիկոլյանին քնեցրել են եւ փորձել փոխադրել Ֆրանսիա

Հայաստան իր մուտքն արգելելու պատճառով՝ արդեն 39 օր «Զվարթնոց» օդանավակայանում հացադուլ իրականացնող ֆրանսահայ ռազմական եւ հետաքննող լրագրող ԼԵՈ ՆԻԿՈԼՅԱՆԻ վիճակը կտրուկ վատացել էր, որից հետո նրան ստիպողաբար փորձել էին ուղարկել Ֆրանսիա:

«Ինչպես գիտեք, ինձ օդանավակայանում մեկուսացրել էին, եւ այդ վանդակում վատացել էի: Բժիշկներ էին եկել եւ չգիտեմ՝ ինձ ինչ էին ներարկել, էլ ոչինչ չեմ զգացել, քնածի պես եմ եղել: Շորերս հագցրել էին, իրերս հավաքել, ինձ նստեցրել էին սայլակի վրա եւ զոռով փորձել մտցնել ինքնաթիռ՝ առանց իմ ցանկության, ինչը ՀՀ օրենսդրության խախտում է: Բայց բախտս բերել էր, ինքնաթիռի հրամանատարն ասել էր, որ հիվանդ մարդ չի տեղափոխում: Հիմա էլ փորձում են տրանզիտով մի ինչ-որ երրորդ երկիր ուղարկել, որ գրողի ծոցը կորեմ», - «Իրավունք»-ի հետ վերջին զրույցում փոխանցել էր Նիկոլյանը:

Նա նաեւ ընդգծել էր, որ այդ նույն ինքնաթիռում, որտեղ փորձում էին ստիպողաբար իրեն նստեցնել, եղել է նաեւ Ֆրանսիայի հայկական կազմակերպությունների համակարգող խորհրդի համանախագահ, ՀՅԴ Բյուրոյի անդամ Մուրադ Փափազյանը։ Վերջինս, տեսնելով Լեո Նիկոլյանին, մեծ աղմուկ էր բարձրացնում եւ բորդուղեկցորդուհիներից պահանջել, որ ֆրանսահայ լրագրողին իջեցնեն ինքնաթիռից:

«Մուրադ Փափազյանի պահանջին միացան նաեւ 10-14 ՀՅԴ-ականներ, որոնք նրա հետ էին: Փաստորեն, իրենք ուզում են, որ ես մեռնեմ օդանավակայանում, որ այդ հանգամանքն օգտագործեն Նիկոլ Փաշինյանի դեմ», - եզրահանգում էր Լ. Նիկոլյանը:

Ի դեպ, ֆրանսահայ լրագրողը մեզ հետ զրույցում ասել էր, որ իր ընդդիմադիր հայացքների համար Ֆրանսիայի նախագահ Էմենաուել Մակրոնի իշխանության կողմից պարբերաբար քաղաքական հետապնդումների է ենթարկվել, ինչի համար էլ որոշել էր դիմել Հայաստանի Հանրապետությանը՝ քաղաքական ապաստան ստանալու համար:

«Քաղաքական ապաստան ստանալու հարցը քննվում է մեկից մինչեւ երեք ամսվա ընթացքում, սակայն ինձ մերժեցին ընդամենը երեք օրվա ընթացքում», - սրտի կսկիծով ասում էր Լ. Նիկոլյանը:

Հավելենք, որ Լեո Նիկոլյանի ճակատագիրն օդանավակայանում շարունակում է մնալ անորոշ:

ՀՐԱՆՏ ՍԱՐԱՖՅԱՆ

Այս թեմայով Մի՛ լռեք և ձեր լռությամբ մի՛ դարձեք այս լրագրողատյաց իշխանությունների հանցակիցը. հայտարարություն Կիմ Չեն Ընը մայիսի 9-ին ՌԴ դեսպանատուն է ժամանել նվերով Պեդոֆիլի զոհը՝ Ֆրանսիայի նախագահ Մակրոնը, ելույթ ունեցավ Ֆրանսիայի Մեծ մասոնական օթյակի առջև. Մալոֆեեւ Ադրբեջանին նոր տարածքներ հանձնելու համար կառավարությունը գաղտնի կետով որոշում է ընդունել․ լրագրող Իրանական նավահանգստում ողբերգության հետևանքով զոհերի թիվն անցնում է 4 տասնյակը, 1000-ից ավելի վիրավոր կա