Ռաիսիի տեղակալը՝ պարոն Մոխբերը, նույն գործը շարունակելու է. Մանրամասներ Իրանում տեղի ունեցող զարգացումներից

«Իրանի պաշտոնական լրատվամիջոցները եւ իշխանական աղբյուրները առայժմ զերծ են մնում նախագահ Ռաիսիի ողբերգական մահվան վերաբերյալ հստակ գնահատականներ հնչեցնել: Մտածում են, որ պետք է փորձաքննություն անցկացվի, որպեսզի հստակ գնահատական տրվի ողբերգական վթարի վերաբերյալ: Բայց ոչ պաշտոնական աղբյուրները տարբեր վարկածներ են շրջանառում, օրինակ Իսրայելի գործոնը, որը կարող էր Արցախի օկուպացված տարածքներից խափանել ուղղաթիռի էլեկտրական շարժերը: Այսինքն ոչ պաշտոնական լրատվամիջոցները, այ՛ո, չեն բացառում Ադրբեջանի գործոնը, ավելին, կան որոշ լուրջ վերլուծաբաններ, ովքեր Իրանի իշխանություններին հորդորում են, որպեսզի անպայման Ադրբեջանի վարքագծին եւս այս համատեսքստում հետաքննությամբ գնահատական տրվի»,- նման գնահատական հնչեցրեց Թեհրանում Հայ դատի հանձնախմբի նախագահ Իսակ Յունանեսյանը.

-Ըստ Իրանի Սահմանադրության, 50 օր հետո կլինեն նոր ընտրություններ, կա՞ն հավանական նախագահի թեկնածուններ, եւ արդյոք բացառվում է, որ կփոխվի Իրանի աշխարհաքաղաքական կուրսը։

-Այ՛ո, Դուք ճիշտ եք, ըստ Իրանի Սահամադրության 50 օր հետո պետք է տեղի ունենան նոր նապխագահական ընտրություններ, բայց մինչ այս պահը, որեւէ անհատի կամ քաղաքական ուժի անուններ չեն շրջանառվում, Իրանը դեռ սգի մեջ է: Ինչ վերաբերում է նախագահի փոփոխության պարագայում հնարավոր է Իրանի աշխարհաքաղաքական կուրսը եւս փոխվի, ապա վստահաբար, ոչ, քանի որ Իրանում երբեւէ անձի փոփոխությամբ հատկապես արտաքին քաղաքական կուրսը փոփոխության չի ենթարկվում եւ դա կարծես քարացած դոգմա է:

Կրկնում եմ` նախագահի մահը բացարձակապես ոչ մի կերպ չի ազդում Իրանի՝ Հայաստանի մասով ունեցած դիրքորոշումների վրա եւ ոչ մի քայլ հետ չի լինելու։ Հանգուցյալ նախագահ Ռաիսին իր ողջ կառավարման ընթացքում հստակ ուշադրություն է դարձրել Հայաստանի եւ Հայաստանի տարածքային ամբողջականությանը։ Ավելին, նա հավելել է, որ Ռաիսիի տեղակալը՝ պարոն Մոխբերը, նույն գործը շարունակելու է։ Այսինքն՝ Իրանը նորից շեշտեց, որ Հայաստանի տարածքային ամբողջականությունն Իրանի ուշադրության կենտրոնում է։