Հուսամ` ընդդիմադիր մեր գործընկեր պատգամավորները կդիմեն դատախազին. Զոհրաբյան

«Անվտանգություն եւ ժողովրդավարություն» ՀԿ նախագահ ՆԱԻՐԱ ԶՈՀՐԱԲՅԱՆԸ, անդրադառնալով ԱԺ ամբիոնից ընդդիմության հասցեին իշխող ՔՊ-ական պատգամավոր Խաչատուր Սուքիասյանի հնչեցրած սպառնալիքներին, դրանք որակեց որպես քրեական հանցագործություն:

— Հուսամ, որ ընդդիմադիր մեր գործընկեր պատգամավորները կդիմեն դատախազին, որպեսզի տիկին դատախազը մտնի Ազգային ժողով` Խաչատուր Սուքիասյանին պատգամավորական անձեռնմխելիությունից զրկելու եւ որպես մեղադրյալ ներգրավելու համար: Թե՛ Հայաստանի Հանրապետության Սահմանադրությամբ, թե՛ ՀՀ քրեական օրենսգրքով, թե՛ պատգամավորի գործունեության երաշխիքների մասին օրենքի նախագծով` Խաչատուր Սուքիասյանը կատարել է հանցագործություն։ Նա ամբիոնից ուղղակիորեն ընդդիմադիր պատգամավորներին եւ ընդհանրապես ընդդիմադիր գործիչներին, ովքեր միացած են Սրբազան շարժմանը, սպառնացել է սպանելով, սնանկացնելով կամ բանտ նստեցնելով` նշելով, որ 20 տարի առաջ սպանում էին, սնանկացնում էին, բանտ էին նստեցնում։ Նա ասել է, որ եթե դուք շարունակեք խանգարել մեր պետության ընթացքը, նույնը կկատարվի ձեզ հետ։ Իսկ դա նշանակում է, որ Խ. Սուքիասյանն ուղղակիորեն սպառնացել է սպանել, բանտ նստեցնել կամ ունեզրկել։ Ես, իհարկե, չեմ հիշում, որ 20, 15, 10 կամ 25 տարի առաջ, երբ ներկայիս նախագահ Վահագն Խաչատուրյանի հետ «օրթախ» պարոն Սուքիասյանը ընդամենը 5000 դոլարով սեփականաշնորհում էր մայրաքաղաքի ամենակենտրոնում գտնվող պատմամշակութային շենքը, որեւէ մեկը նրան սնանկացած, բանտ նստեցրած լինի։ Անկեղծ ասած, չեմ հիշում նաեւ պարոն Սուքիասյանին սպանած լինեն։ Չեմ ֆիքսել այդ պահը։ Գուցե, հանրապետությունում չեմ եղել եւ նախկին իշխանությունների կողմից իրեն սպանելու կարեւոր պահը բաց եմ թողել:

ՀՐԱՆՏ ՍԱՐԱՖՅԱՆ

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Ընդդիմությունն իմ տպավորությամբ մինչ այս պահն օրակարգ չունի․ Նաիրա Զոհրաբյան ՇՏԱՊ. ՀՀ նախագահ անճանաչելիորեն փոխվել է. ՖՈՏՈ Հայաստանում ձմռանը կարող է Նիկոլի իշխանությանը վերջ տվող սոցիալական բունտ լինել