Ինքնախաբեությամբ մի՛ զբաղվեք, առավել եվս` մարդկանց մի՛ մոլորեցրեք. Տիգրան Աբրահամյան

Ըստ ԱԺ «Պատիվ ունեմ» խմբակցության քարտուղար ՏԻԳՐԱՆ ԱԲՐԱՀԱՄՅԱՆԻ` այն, ինչ այսօր արվում է, այսպես կոչված, դելիմիտացիա-դեմարկացիայի անվան տակ, 2020-2023 թվականների Ադրբեջանն արեց ուժի կիրառման միջոցով:

— Սյունիքի, Վայոց ձորի, Գեղարքունիքի ուղղությամբ ադրբեջանական մխրճումներն ավարտելուց հետո թիրախ է ընտրվել Տավուշը, հետագայում անցում է կատարվելու Նախիջեւանի ուղղությանը: Նպատակը Հայաստանի շուրջը օղակը սեղմելն է, որի պարագայում Ադրբեջանը կստանա քաղաքական երաշխիք, որ այսուհետ Հայաստանի ցանկացած իշխանություն ցանկացած հարցի բանակցման ժամանակ այլ ելք չի ունենա, քան կատարելու ադրբեջանական կամքը: Իրադրության լրջությունն առաջին հերթին նրանում է, որ իշխանությունը ոչ միայն միջնաժամկետ եւ երկարաժամկետ կտրվածքով խաղաղություն չի բերելու, այլ իրենից հետո հավերժ կռացածի կարգավիճակ է ապահովելու հաջորդ բոլոր կառավարությունների համար: ԱԺ ամբիոնից իշխանությունը պնդում է հնչեցնում, թե` մենք գիտենք` ինչպես Հայաստանի անվտանգությունը պաշտպանենք: Ո՛չ, չգիտեք, ինքնախաբեությամբ մի՛ զբաղվեք, առավել եւս` մարդկանց մի՛ մոլորեցրեք: Կամ ասում են՝ մենք շատ լավ գիտենք, թե ինչ ենք անում: Սա էլ հիշեցնում է իրենց քաղաքական առաջնորդի հայտնի խոսքը` Արցախի հարցով բանակցությունների վերաբերյալ, երբ ասում էր` ինչ որ պետք է, էն էլ բանակցում ենք: Թե ինչ եղավ հետո, եւ ինչ դաժան իրականության հետ առերեսվեց մեր ժողովուրդը, բոլորը գիտեն:

Այս թեմայով Բաբուխանյանը բարձրացրեց Արցախի օկուպացված քաղաքների հարցը Եվրոպան՝ իր քաղաքացիներին Ռուսաստանի դեմ պատերազմի է պատրաստում. Աբրահամյան Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա Ադրբեջանական ագրեսիայի հետևանքով Արցախն ունեցել է 220-ից ավելի զոհ 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան