Հայտնի փաստաբանը իր ղեկավարած «Լեվ Գրուպ» փաստաբանական գրասենյակով միանում է մայիսի 21-ին կարանալիք ակցիային

ԼԵՎ ԳՐՈՒՊ ՓԱՍՏԱԲԱՆԱԿԱՆ ԳՐԱՍԵՆՅԱԿԻ ՀԱՅՏԱՐԱՐՈՒԹՅՈՒՆԸ

2024 թվականի մայիսի 17-ին ՀՀ ԱԺ տնտեսական հարցերի մշտական հանձնաժողովի նիստում  հավանության արժանացավ  «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքի նախագիծը, որի առնչությամբ իրավապաշտպանները բազմիցս բարձրայնել են դրա խնդրահարույց լինելը. Նախագծի ընդունման արդյուքում 
-  Շեշտակի կբարձրանա  փաստաբանական ծառայությունների  ինքնարժեքը
- Կբացառվի անվճար իրավաբանական օգնության տրամադրման հնարավորությունը, քանի որ այն նույնպես ենթակա է լինելու հարկման։  
- Էականորեն կնվազի քաղաքացիների իրավաբանական օգնություն ստանալու մատչելիությունը և դատական պաշտպանության իրավունքի  իրացման  հնարավորությունը:
Պետք է փաստել, որ ՀՀ փաստաբանների պալատը Նախագծի խնդրահարույց ասպեկտների մասով առարկությունները և դիտողությունները, ի թիվս այլ մարմինների, ներկայացրել էր նաև ՀՀ ֆինանսների նախարարություն և ՀՀ ԱԺ պետաիրավական հանձնաժողովին: Դիտարկումների փաթեթը ներկայացվել էր նաև ՀՀ ԱԺ նախագահին՝ խնդրելով Նախագիծը քննարկելիս հաշվի առնել ներկայացվածը և ՀՀ փաստաբանների պալատին մասնակից դարձնել տնտեսական հարցերով մշտական հանձնաժողովի նիստին, ինչը որ չի կատարվել։
Հաշվի առնելով, որ Նախագիծը ԱԺ ներկայացվել է անհետաձգելի ընթացակարգով և սեղմ ժամկետում այն ներկայացվելու է Ազգային Ժողովի լիագումար նիստի քննարկմանը, ուստի նկատի ունենալով ս.թ. մայիսի 16-ին ակումբի նիստով ընդունված  հայտարարության  կենսագործման անհրաժեշտությունը՝ փաստաբանների կողմից որոշվել է 2024 թվականի մայիսի 21-ին ձեռնամուխ լինել բողոքի ակցիայի իրականացմանը՝  հրաժարվելով Հայաստանի Հանրապետության պետական  մարմիններում (այդ թվում՝ դատարաններում, նախաքննության մարմիններում) պաշտպանություն կամ ներկայացուցչություն իրականացնելուց՝ պահանջելով Ազգային ժողովից հանել փաստաբաններին վերաբերող  խնդրահարույց  իրավակարգավորումները:
Նկատի ունենալով վերոգրյալը` Լեվ Գրուպ փաստաբանական գրասենյակը միանում է Փաստաբանների պալատի կողմից
21․05․2024 թվականին իրականացավող բողոքի ակցիային։

ԳԼԽԱՎՈՐ ՏՆՕՐԵՆ՝  ԼԵՎՈՆ ԲԱՂԴԱՍԱՐՅԱՆ