Հայ Ազգային Ռամկավար կուսակցությունն իր լիակատար զորակցությունն է հայտնում «Տավուշը հանուն Հայրենիքի» համաժողովրդական շարժմանը. հայտարարություն

«Ադրբեջանի և Հայաստանի Հանրապետության միջև սկսված «սահմանազատման և սահմանագծման» գործընթացից պարզ դարձավ, որ ՀՀ իշխող վարչախումբը մտադիր է հակառակորդին միակողմանիորեն զիջել Տավուշի մարզի չորս գյուղերի տարածքների զգալի մասը: Տեղաբնիկ ժողովուրդը` Հայ Առաքելյան եկեղեցու Տավուշի թեմի առաջնորդ Բագրատ արքեպիսկոպոս Գալստանյանի գլխավորությամբ, բնականաբար, ընդվզեց և ոտքի կանգնեց՝ թույլ չտալու այդ ապօրինի գործընթացը: Արդարացի շարժումն աստիճանաբար ընդլայնվեց և ոչ միայն ողջունեցին, այլև դրան միացան ինչպես հայաստանաբնակ, այնպես էլ սփյուռքի մեծ թվով սթափ մտածող և երկրի ու Հայոց պետականության վտանգված լինելուն ոչ անտարբեր մեր բյուրավոր հայրենակիցներ, այդ թվում` Հայ Ազգային Ռամկավար կուսակցությունը, որի մեծ թվով անդամներ առաջին իսկ պահից մասնակցում և նեցուկ են Շարժմանը:

Հանուն հայ ժողովրդի լուսավոր ապագայի, հայոց անխախտ պետականության, Սահմանադրության և բոլոր օրենքների անշեղ պահպանման` Շարժումն օրըստօրե ծավալվում ու թափ է հավաքում: Միաժամանակ, այն աստիճանաբար բացահայտում է հայրենանվեր ծրագրերի կողմնակիցներին ու սոսկ անձնական շահերով առաջնորդվող պատեհապաշտներին:

Հայ Ազգային Ռամկավար կուսակցությունը (գտնվում է պետական գրանցման գործընթացում), խորությամբ տեղյակ լինելով Հայրենիքին ու հայ ժողովրդին սպառնացող վտանգներին և գիտակցելով պահի լրջությունը, իր լիակատար զորակցությունն է հայտնում «Տավուշը հանուն Հայրենիքի»  համաժողովրդական շարժմանը և հայտարարում է, որ բոլոր հնարավոր միջոցներով կսատարի դրան», - այս մասին ասված է պետական գրանցման գործընթացում գտնվող Հայ Ազգային Ռամկավար կուսակցության հայտարարությունում:  

Այս թեմայով ԵՄ-ն հանձնառու է աջակցել Հայաստանի ազգային անվտանգությանը, կարող եք ապավինել մեզ. ԵԽ նախագահ Մաքսիմ Գալկինն Ալեն Սիմոնյանի հետ գնացել է Գառնի. Լուսանկարներ Եվրոպական դեսանտն ու հայաստանյան ապագան. Հայկ Բաբուխանյան Տեղը չի գտնում, բայց «զադնի» էլ չի կարա էլ դնի. Թաթոյանը մանթո է Ինչու SisMasis-ի Սամվել Կարապետյանը մտավ քաղաքականություն