Զարմանք

Զարմանք

Կանադայի թեմի նախկին առաջնորդ Բագրատ սրբազանի գլխավորած շարժումն իսկապես հրաշքներ է գործում: Կանադայի նախկին դեսպան, ԱԺԲ լիդերներից ԱՐԱ ՊԱՊՅԱՆԸ ո՛չ ավել, ո՛չ պակաս հայտարարում է. «Որոշ մարդկանց համար պայքարը դարձել է ինքնանպատակ։ Այնինչ, մեզ արդյունքն է հետաքրքրում՝ Նիկոլի հրաժարականը։ Մի հարցնող լինի, եթե չեք ուզում ուրիշների հետ համատեղ ուժերով դա անել, ապա ո՞նց եք պատկերացնում դրա իրականացումը միայն Բեւևեռով»: Ինչպես ասում են` ավելի լավ է ուշ, քան երբեք, լավ է, որ այսքանը Ա. Պապյանը հասկացել է: Միայն թե զարմանալի է, թե ինչո՞ւ է նա ուժերը համատեղելու հայտարարությունների հետ մեկտեղ, որոշել բշտել մյուս արեւմտամետ ուժերին: Ըստ Ա. Պապյանի էջում տեղ գտած գրառման` Հայաստանում մի արեվմտամետ ուժ կա. «Մնացածը կամ ուժ չեն ընդհանրապես՝ խոսող գլուխներ են, որ կուսակցապետեր են կոչվում, բայց 20 հոգի չունեն փողոց հանելու, կամ արեւմտամետ չեն՝ միայն երբեմն դրա մասին հայտարարում են ըստ պատեհության»: Ինչ խոսք, եվրոպական կուսակցության նախագահ Տիգրան Խզմալյանին նույնիսկ ամենաթունդ քաղաքական ու գաղափարական հակառակորդներն այսպես չէին փչացրել:

Այն, որ այս օրերին եկեղեցու դեմ ամենակեղտոտ քննադատություններն է հնչում իշխող ՔՊ խմբակցության պատգամավորների կողմից, նորություն չէ: Բայց թե նրանցից ոմանց անաստվածությունը մինչեւ ուր կարող է հասնել, նոր ռեկորդ է սահմանել ՔՊ-ական պատգամավոր ԱՐՍԵՆ ԹՈՐՈՍՅԱՆԸ: «Եկեղեցին բացահայտում է իր իրական նպատակները` այն է իր ներքին եւ արտաքին խմբակային շահի համար զոհաբերել ՀՀ պետականությունը՝ խաղալով յուր հետեւորդների հավատքի եւ զգացմունքների հետ, շռայլելով սուտ խոստումներ, ժողովուրդը վերջնական գնահատական պետք է տա այդ կառույցին եւ նրա պետականակործան նպատակներին։ 1700-ամյա պատմության ընթացքում բազմաթիվ անգամներ կրկնված հայկական պետականության կործանման մեջ ունեցած եկեղեցու անմիջական ավանդը սպառվելու է…»,- այսպիսի միտք է երկնել աթեիստ Թորոսյանը: Այսքանից հետո` թերեւս լավագույն խորհուրդը վերջինիս տվել է Մայր Աթոռի դիվանապետ Տ. Արշակ արքեպիսկոպոս Խաչատրյանը` խորհուրդ տալով «օգտվել ուղեղի անվճար ծառայություններից»:

Նույն խորհուրդը կարելի է տալ նաեւ ԿԱՐՄԻՐԲԵՐԵՏԱՎՈՐՆԵՐԻՆ: Երեկ լրատվամիջոցները ֆիքսել էին, թե ինչպես են անհնազանդության ակցիա իրականացնողներին բերման ենթարկելիս` կարմիրբերետավորներից մեկը թռնում մյուսի շալակը: Այն կարգի, որ ում շալակին հայտնվել էր, ստիպված եղավ կարգի հրավիրել գործընկերոջը` ակցիայի մասնակիցներին թողած: Իսկ սոցցանցում կատակում են. «Էս կարմիրբերետավորները «Եվրատեսիլ»-ի՞ց են սենց ոգեւորվել»:

Հիշո՞ւմ եք, որ վերջերս ձերբակալվել, ապա կալանավորվել էր դերասանուհի, հաղորդավարուհի, «Վիցե Միսս Եվրոպա 2005» ԼՈՒՍԻՆԵ ԹՈՎՄԱՍՅԱՆԻ սկեսրայրը: Նա այդ օրերին հուզիչ հայտարարություններ էր անում սոցցանցերում, մարդիկ էլ փորձում էին մխիթարել նրան: Բայց, արի ու տես, որ սկեսրայրի ազատության մեջ հայտնվելուն պես, Լուսինե Թովմասյանի բոլոր մտահոգությունները երկրի մասին այն կարգի են փարատվել, որ վերջինս սրճարանում սուրճ է վայելում, երբ փողոցում մարդիկ պայքարում են երկրի պաշտպանության համար: Բայց սա դեռ ոչինչ, սրճարանում նրան մոտեցած լրագրողին, «Վիցե Միսս Եվրոպա 2005»-ն ասում է. «Ինչ զզվելի է ձեր սրբազան պայքարը»։ Ի՞նչ ասես, լավ ինչպե՞ս կարող է գեղեցկուհին այդքան տգեղ արտահայտվել:

https://iravunk.com/sim/?p=283377&l=am/
Հայկական եւ վրացական կուսակցությունները քննարկումներ են անցկացրել ՈՒՂԻՂ. Ի՞նչ գաղտնի ծրագրեր են իրականացնում նիկոլներն ու արծրունները. Հայկ Բաբուխանյան Ветеран из Армении, член партии «Союз Конституционное право» на Красной площади в Москве ՈՒՂԻՂ. Հաղթանակից մինչև հիսթերիկա. ՀԱՅԿ ԲԱԲՈՒԽԱՆՅԱՆ Նովորոսիսկից մինչեւ Սեւաստոպոլ. ՍԻՄ-ի 101-ամյա անդամ Ներսես պապը՝ 80-ամյա հաղթանակի հիշողություններով Սպասում եմ Հայկ Բաբուխանյանին Գյումրիում․ Վարդան Ղուկասյանը արձագանքում է Ռ. Միրոշնիկը այցելեց «Իրավունք Մեդիա» հոլդինգ ՈՒՂԻՂ. Հայաստանի ազատագրումը սկսենք Գյումրիից.Հայկ Բաբուխանյան 15 հազար դրամ տուգանքը կամայական եւ քմահաճ որոշում է. Աշոտ Նուրիջանյան Ինչ ճակատագիր կունենա «Եվրաքվեն» (տեսանյութ) Այլ երկրում Հայ առաքելական եկեղեցու համար ստեղծում են պայմաններ, իսկ մեր երկրում հետապնդում են Ոչ մեկի մտքով չի անցնում հարձակվել Բելառուսի վրա, որովհետև նա ՌԴ ի հետ միութենական պետության մեջ է ՑԱՎԱԿՑԱԿԱՆ «ՈՒԺԵՂ ՀԱՅԱՍՏԱՆԸ ՌՈՒՍԱՍՏԱՆԻ ՀԵՏ. ՀԱՆՈՒՆ ՆՈՐ ՄԻՈՒԹՅԱՆ» ՇԱՐԺՈՒՄԸ ԴԱՏԱՊԱՐՏՈՒՄ Է ՆԻԿՈԼԻ ԿԱՌԱՎԱՐՈՒԹՅԱՆ ՈՐՈՇՈՒՄԸ Պահանջում ենք դատական կարգով առ ոչինչ հայտարարել Նիկոլ Փաշինյանի հայտարարությունները, որտեղ Արցախը նշվում է Ադրբեջանի կազմում Հայ-չինական հարաբերությունները ունեն զարգացման մեծ ներուժ Նիկոլ Փաշինյանի թրաշվելը ազդարարեց Հայաստանի կործանման վերջին փուլը. ՀԱՅԿ ԲԱԲՈՒԽԱՆՅԱՆ Վլադիմիր Պուտինը Հայկ Բաբուխանյանին պարգեւատրել է Կայացավ երրորդ ուժի ձևավորմանը նվիրված համաժողովը ՈՒՂԻՂ․ Ով է իր մուռը հանում Անկախության հռչակագրից․ Հայկ Բաբուխանյան ՍԻՄ կուսակցությունը ցավակցում է Արտաշես Գեղամյանի մահվան կապակցությամբ ՈՒՂԻՂ․ Թեժ աշուն սորոսականների հե՞տ Իրականում Եվրամիություն գնալը ճանապարհ է դեպի Թուրքիա. Հայկ Բաբուխանյան «Դուք որպես ժայռաբեկոր կանգնած եք այդ ճանապարհին, որպեսզի թույլ չտաք սրիկային, սատանայական ուժերին քանդել այն» Խստիվ դատապարտում ենք ապօրինի վարչախմբի վարքագիծը