Շահարկումները, թե՝ քեռիս ինքնասպանության  է դիմել, անասելի ցավ են պատճառում, խնդրում եմ՝ հարգել մեր վիշտը…

Պաշտպանության նախարարության զորամասերից մեկի պահպանության տեղամասում մայիսի 7-ին հայտնաբերվել է պայմանագրային զինծառայող Արտակ Սերյոժայի Ավալյանի (ծնվ. 1985 թ.) դին՝ կզակի շրջանում հրազենային մահացու վիրավորումով։ Պայմանագրային զինծառայողը Տավուշի մարզի Ազատամուտ գյուղից էր։ Ամուսնացած էր, ապրում էր մոր, կնոջ եւ 3 անչափահաս երեխաների հետ։ Ի վերջո, ի՞նչը կարող էր պատճառ դառնալ Ա. Ավալյանի ինքնասպանության, որի վարկածն ակտիվորեն շրջանառվում է, «Իրավունք»-ը փորձեց մանրամասներ պարզել հարազատներից:

«Մահացողը` Արտակ Սերյոժայի Ավալյանը, իմ քեռին է։ Ամենատարբեր շահարկումներն այն մասին, թե՝ քեռիս ինքնասպանության է դիմել, ու հնարավոր պատճառների քննարկումն անասելի ցավ են պատճառում նրա ընտանիքի անդամներին ու բոլոր հարազատներին։ Խնդրում եմ՝ չշահարկել այլեւս այդ թեման՝ առանց տեղի ունեցածի իսկությունն իմանալու։ Մենք շատ թանկ ու կարեւոր մարդ ենք կորցրել, խնդրում եմ՝ հարգել մեր վիշտը։ Քննությունն ընթացքի մեջ է, բոլոր հանգամանքները կպարզվեն, իսկ մինչ այդ՝ թույլ տվեք, որ քեռուս հոգին խաղաղվի»,- ասաց Արտակ Ավալյանի զարմուհին՝ ԼՈՒՍԻՆԵ ՔՈՉԻՆՅԱՆԸ։

Նշենք, որ Արտակ Ավալյանը 17 տարի անձնվիրաբար ծառայել է հայրենիքին, մասնակցել է 44-օրյա պատերազմին։

Այս թեմայով Աշխարհը պտտվում է երեք գերտերությունների շուրջ՝ ԱՄՆ, Չինաստան, Ռուսաստան. Արտակ Զաքարյան ԱՄՆ-Իրան հակամարտության ռազմական նոր փուլը կվերսկսվի՞, թե՞ ոչ․ Արտակ Զաքարյան Ինչպե՞ս առաջ գնալ՝ խուսափելով պատրանքներից և պաշտպանել պառակտվող անկախ պետականությունը․ Զաքարյան Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Եթե Արցախի կորստից դասեր չքաղենք, կարող ենք կորցնել նաև Հայաստանի պետականությունը. Արտակ Զաքարյան