Պահը երկրի համար օրհասական է, եւ սխալվելու իրավունք չկա. Վահան Բաբայան

«Տեսնում եմ, որ իմ երեկվա մի գրառումից ոմանք շատ «ոգևորվել են», ոմանք էլ՝ նույնիսկ լկտիացել: Դա նրանից է, որ նրանց պատվիրատուն լավ չի հասկացել գրածիս իմաստը: Ես մեծ հույսեր եմ կապել և կապում Սրբազանի սկսած շարժման հետ և ինձնից կախված ամեն բան անում եմ, որ այն հաջողի: Նույնը արել եմ նաև դիմադրություն շարժման ընթացքում: Եթե անձնական կարծիք հայտնելն այդքան վատ եք տանում, ապա ստիպված եմ բացատրել գրածիս իմաստը. մենք որպես համաժողովրդական պայքարի ձգտող շարժում, հենվելով մեր նախկին փորձերի վրա, պետք է ավելի կազմակերպված ու ավելի համախմբված դարձնենք մեր գործողությունները: Պահը երկրի համար օրհասական է, և սխալվելու իրավունք չկա: Ովքեր համաձայն չեն՝ իրենց գործն է, իսկ լկտիացածների կամ ջուր պղտորողների մակարդակին իջնել չեմ ցանկանում», - գրել է Ռեֆորմիստների կուսակցության նախագահ ՎԱՀԱՆ ԲԱԲԱՅԱՆԸ: