Ի՞նչ ունեք իմ դեմ. Լեո Նիկոլյանն արդեն 14 օր է «Զվարթնոց»-ում հացադուլի մեջ է

«Իրավունք» թերթի լրագրողը տեսակցել է արդեն 17 օր շարունակ հացադուլի մեջ գտնվող ռազմական եւ հետաքննող լրագրող ԼԵՈ ՆԻԿՈԼՅԱՆԻՆ, որը գտնվում է «Զվարթնոց» օդանավակայանում, եւ նրան թույլ չեն տալիս մուտք գործել Հայաստան:

— Պարոն Նիկոլյան, արդեն երկու շաբաթն էլ լրացավ Ձեր հացադուլի: Ինչպե՞ս է Ձեր ինքնազգացողությունը հիմա:

— Մարմինս արդեն սովոր է, առաջին անգամ չէ իմ կյանքում, որ հացադուլ եմ անում: Ժամանակին Ֆրանսիայում էլ եմ արել եւ հասել եմ նպատակիս: Բայց հիմա Հայաստանի իշխանությունը շատ մեծ սխալ է անում իմ հանդեպ: Համոզված եմ, որ իմ մուտքն արգելում են Հայաստան, որովհետեւ երկու ամիս առաջ եղել եմ Ոսկեպարում եւ, որպես լրագրող, ռեպորտաժներ եմ արել այնտեղից` ո՛չ ավել, ո՛չ պակաս իմ գործն եմ արել: Ու ամենահետաքրքիրն այն է, որ Հայաստանի Ազգային անվտանգությունը, իմ փաստաբանին պատասխանելով հանդերձ, միեւնույն ժամանակ, չի պատասխանում: Նրանք միայն նշում են, որ ես կարող եմ շատ մեծ վտանգ լինել ազգի համար: 57 տարեկան հիվանդ ու հաշմանդամ մարդ եմ, չեմ հասկանում` ինչո՞վ կարող եմ վտանգավոր լինել: Չեմ դադարեցնի հացադուլս` մինչեւ իրենք չասեն` ի՞նչ ունեն իմ դեմ, ի՞նչ հիմքով ինձ թույլ չեն տալիս մուտք գործել Հայաստան, երբ 1988-ի երկրաշարժից սկսած միշտ եկել եմ ու գնացել: Պարզ է, որ հիմքեր չկան, ինձ թվում է` սա քաղաքական որոշում է: Անգամ Ֆրանսիայում էլ փորձում էին իմ մուտքը փակել դեպի ինքնաթիռ:

— Հարց է ծագում` իսկ ինչո՞ւ որեւէ արձագանք չկա առնվազն Ֆրանսիայի դեսպանատնից: Չէ՞ որ Դուք Ֆրանսիայի քաղաքացի եք:

— Ֆրանսիայի հյուպատոսը պարտավոր է առնվազն գալ եւ այցելել ինձ: Ու նա ուզում է գալ, բայց հրաման է ստացել ՀՀ-ում Ֆրանսիայի դեսպան Օլիվիե Դըկոտինիի կողմից, որը նրան արգելում է այցելել ինձ, ինչը շատ ցավալի է:

— Երեւի տեղյակ եք, որ Բագրատ սրբազանի առաջնորդությամբ Կիրանցից քայլերթ է մեկնարկել դեպի Երեւան: Ի՞նչ կասեք այս մասին:

— Ճիշտն ասած, չեմ զարմանում: Երկու օր առաջ սրբազանն ինձ հետ խոսել է հեռախոսով: Ինձ թվում է` սա լինելու մի նոր Հայաստանի առաջին քայլը: Ես զարմանում եմ, որ ժողովուրդը մինչեւ այսօր այդքան քիչ է հետաքրքրվել այս երկրի ապագայի համար: Հիմա ամեն օր իրավիճակ է փոխվում, չգիտեմ` ինչ կլինի, ապագան ցույց կտա մայիսի 9-ին ինչ-որ բան կփոխվի, թե` ոչ:

ՀՐԱՆՏ ՍԱՐԱՖՅԱՆ

Այս թեմայով Էջմիածնում լրագրող է ուշագնաց եղել (տեսանյութ) Զելենսկին` վերջ. ամերիկյան լրագրող ՌԴ-ն խզել է Կանադայի, Ֆրանսիայի և Պորտուգալիայի հետ կնքված ռազմական ոլորտի համաձայնագրերը Թուրքական ռազմական ինքնաթիռի կործանումը վթար չէր, այլ դիտավորյալ դիվերսիայի արդյունք. Թուրք լրագրող (Տեսանյութ) Լրագրողը ձերբակալվեց