Իմ կոչն ուղղված է սպաներին եւ ծառայողներին, ովքեր գիտեն ինչ է հայրենիքը եւ պատիվը. Արթուր Վարդանյան

 

«Կոչ եմ անում իրավապահ մարմիններին եւ բոլոր ուժային կառույցներին չկատարել ոչ մի ապօրինի եւ հակասահմանադրական հրաման։ Դուք երդվել եք ծառայել Հայաստանի Հանրապետությանը եւ հայ ժողովրդին, այլ ոչ թե անհատ անձանց քաղաքական եւ անձնական շահերին։ Դուք ունեք պարտավորություններ եւ մեծ պատասխանատվություն։ Իմ կոչը եւ պահանջ ձեզ՝ թույլ մի՛ տվեք ձեզ օգտագործեն ընդդեմ ժողովրդի։ Հիշեք՝ դուք նույնպես մեր ժողովրդի մի մասն եք եւ յուրաքանչյուր ապօրինի եւ ապազգային գործողություն ուղղակի ազդելու են ձեր եւ ձեր ընտանիքների ներկային եւ ապագային։

 

Կոչ եմ անում, խնդրում եւ պահանջում եմ, որ զգոն եւ արդար լինեք ձեր գործում: Հիշեք՝ թշնամու համար, միեւնույնն է, հայը համազգեստով է, թե առանց համազգեստի։ Դուք ինքներդ դա տեսել էլ եք Արցախում եւ  ձեզնից ոմանք լավ գիտեն թե ինչ է պատերազմը։ Հիշեք՝ դուք ծառայում եք հայ ժողովրդին եւ եթե դուք ժողովրդին նայեք, որպես թշնամի, ապա հայ ժողովուրդ ձեզ իրեն պատերազմ հայտարարած թշնամուց չի տարբերի...», - նշել է նա: