Տավուշում գործի է դրվել արեւմտյան հնարավոր երկու սցենար

Միացյալ Նահանգների ու Արեւմուտքի ուղեղային կենտրոնները՝ մեզ ուղնուծուծով յուրացրած, հերթական դավադիր պլանն են մշակել Հայաստանի դեմ: Այլեւս գաղտնիք չէ, որ մեր երկրի միակ ազգային, պետականաշեն ինստիտուտը մնացել է Հայաստանյայց Առաքելական Սուրբ եկեղեցին, որին անվերապահ վստահում են նույնիսկ լիբերալ անհավատները, ինչն ապացուցված է սոցհարցումներով, զեկույցներով եւ ԱՄՆ Պետդեպի տարիներ շարունակ շեշտված կսմիթներով:

Ըստ էության, Հայաստանը վերջանականապես կործանել հնարավոր է միայն մեր վերջին հենասյունը՝ եկեղեցին չեզոքացնելու միջոցով: Բայց ինչպե՞ս, երբ ժամանակին անգամ պարսից Շահ Աբասին չհաջողվեց սասանել Մայր Աթոռ Սուրբ Էջմիածնի հիմերը: Հետեւապես, հնարավոր երկու սցենար է գործի դրվել՝ իրականացնել հերթական հեղաշրջումը Հայաստանում արեւմտյան սցենարով եւ այս անգամ այն փաթեթավորել հոգեւոր առաջնորդությամբ, եւ եկեղեցուն մասնակից դարձնել երկրի կործանմանը, կամ՝ չհաջողելու դեպքում՝ վարկաբեկելու միջոցով զրոյացնել այն մեծ վարկանիշը, որի կեսն ունենալ երազում են անգամ ամենաընդդիմադիր քաղաքական ուժերը:

Այսպիսի հարվածներ մեկ անգամ չէ, որ Մայր Աթոռը ստացել է ու կարողացել է դիմակայել իր ողջախոհությամբ, խորագիտությամբ եւ ծով համբերությամբ, եւ այսօրն էլ բացառություն չէ: Իսկ ի՞նչ է կատարվում այժմ: Փորձում են Տավուշի թեմի առաջնորդ Գերաշնորհ Տ. Բագրատ արքեպիսկոպոս Գալստյանյանի հեղինակությունը դնել զոհասեղանին. իշխանական մամուլն ու չինովնիկները լծվել են նրա հասցեին ամենազազրելի ու եղկելի ապատեղեկատվությունը տարածելով: Եվ թվում էր, թե սրան պետք է դիմադրի հակառակ թեւը: Սակայն, նրանք էլ պաշտպանելու միտումով՝ իբրեւ ծաղրանք՝ գեներացնում են նույն ապատեղեկատվությունը՝ կամա, թե՝ ակամա թեման տաք պահելով: Ընդ որում՝ արեւմտյան հնարավոր բոլոր հարթակներն իրենց գործիքակազմով եւ «գործիքներով»՝ մի կողմից ապատեղեկատվություն են տարածում, մի կողմից՝ «հերոսաբար» հերքում, մերթընդմերթ Բագրատ սրբազանին անհարկի հռչակում վարչապետ ու կաթողիկոս՝ փորձելով սեպ խրել առնվազն Մայր Աթոռի ու սրբազանի միջեւ, իսկ առավելագույնը՝ եկեղեցի եւ պետություն զրոյական հարաբերությունները դարձնելով՝ թշնամական: Եվ խոսքն ամենեւին էլ անձերի մասին չէ, որ Նիկոլ Փաշինյանին ոչ միայն պետք էր նզովել, այլեւ՝ բանադրել՝ կառավարության ձախողումների, հայրենիքի կազմաքանդման ու անվտանգության զրոյացումն իբրեւ ձեռքբերում ներկայացնելու եւ մեր ժողովրդին այդքան տառապանքներ պատճառելու համար: Սակայն ականատեսն ենք, որ հերթական էյֆորիայի տակ հանրությունը դրա դեմ պայքարելու փոխարեն՝ փոքրիկ քլունգի դեր է ստանձնել՝ խորամուխ չլինելով այն մեծ ծուղակի մեջ, որում հայտնվել ենք բոլորս:

ՀՐԱՆՏ ՍԱՐԱՖՅԱՆ

Այս թեմայով ԱՄՆ-ն դուրս կգա Ուկրաինայի հակամարտության կարգավորման գործընթացից, եթե առաջընթաց չլինի. Պետդեպարտամենտ (Տեսանյութ) Արեւմուտքը տանուլ է տվել տնտեսական մրցակցությունը, շուտով կտեսնենք, թե որքան կդիմանա. Շաքարյանց Միասնական Արեւմուտք այլեւս չկա, Իրանը մեր միութենական պետությունն է, իսկ Ուկրաինան, Բալթիկան եւ Արեւելյան Եվրոպայի մի մասը գալու են Ռուսաստան. Դուգին Ռուսական ուժերը լայն ճակատով դուրս են եկել Պոկրովսկից արեւմուտք տանող հիմնական մայրուղի (Քարտեզ) Գաղտնիքները բացահայտելու ժամանակն է