Կամո Ունանյանի հերթական սպորտային հաղթանակը Գերմանիայում

Ապրիլի 27-28-ը Գերմանիայի Հալլե քաղաքում տեղի ունեցավ WKF կարատեի միջազգային մրցաշարը, որտեղ մասնակցում էր 18 երկիր: Հայաստանը ներկայացրեց սպորտային կարատեի աշխարհի եւ Եվրոպայի չեմպիոն, Հայաստանի կարատեի միության հիմնադիր Կամո Ունանյանը:

Երեք մենամարտերում Կամոն հաղթելով նախ դանիացի, հետո գերմանացի եւ անգլիացի մարզիկներին դարձավ մրցաշարի հաղթող:

Մեզ հետ զրույցում Կամոն վստահեցրեց, որ մրցաշարի ընթացքում որեւէ դժվարությունների չի բախվել, բացի՝ դատավորների կողմնապահությունից:

«Մրցաշարի ժամանակ գերմանացի մարզիկի հետ մրցելիս, թեպետ դատավորները կողմնապահություն էին անում, բայց ես հաղթեցի»,-  պատմեց Ունանյանը:

Առաջիկա անելիքների մասին խոսելով՝ Կամոն տեղեկացրեց, որ արդեն պատրաստվում է MMA մարզաձեւի հաջորդ մրցումներին:

«Արդեն ուզում եմ լրջորեն զբաղվել միայն MMA սպորտաձեւով: Հաջորդ մենամարտը կլինի մեկ ամսից, բայց դեռ պարզ չէ, թե որ կազմակերպության անվան ներքո հանդես կգամ»,- եզրափակեց նա:

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար