Ճանաչենք դեմքերով. ժողովրդի դեմ բիրտ ուժ կիրառող և կոպտող «տաք գլուխները»

Երեկ երեկոյան Տավուշում իրավիճակը լարվել էր: Ոստիկանությունը բիրտ ուժ էր կիրառել խաղաղ ցուցարարների նկատմամբ, ովքեր արդեն 4-րդ օրն է բողոքում են Նիկոլ Փաշինյանի միակողմանի զիջումների դեմ։ Բերման են ենթարկվել մի խումբ քաղաքացիներ, իսկ բերման ենթարկելու ընթացքում ինչպես երևում է տեսանյութերից՝ կիրառվել է անհամաչափ ուժ: Առանձնահատուկ դաժանությամբ աչքի էր ընկել Տավուշում հայտնված Լոռու մարզի ոստիկանության վարչության պետ Արթուր Զաքարյանը, ով ըստ տելեգրամ ալիքներում տարածված տեղեկատվության կարիերային թռիչք է ունեցել հենց հեղափոխությունից հետո: Հենց նա էր երեկ խաղաղ տավուշցիներին և նաև Բագրատ Սրբազանին քաշքշելու առաջամարտիկը:

Նույն օրը ցերեկը մեկ այլ դրվագ էր գրանցվել: ԵԿՄ տարբերանշանով մեքենան վարել էին խաղաղ ցուցարարների ուղղությամբ, իսկ Տավուշի մարզային վարչության պետ Արթուր Մկրտչյանը, ով գտնվում էր այնտեղ, փոխարենը կանխեր նման պահվածքը՝ հայտարարել է, որ Նոյեմբերյանում ոչ թե վրաերթ է եղել, ինչպես մասնակիցներն են պնդում, այլ՝ խուլիգանություն, փորձելով արդարացնել խաղաղ բողոքի ակցիա անող մարդկանց կյանքը վտանգելու փաստը:

Դրանից առաջ էլ ոստիկանության Նոյեմբերյանի բաժնի պետ Վահան Ազատյանը քաղաքացիներին կոպիտ ձևով արգելել էր մտնել Ոսկեպարի եկեղեցի

Բագրատ Սրբազանին և Նոյեմբերյանում բողոքի ակցիա իրականացնող քաղաքացիների հետ անհարգալից է վարվել նաև ՀՀ ՆԳՆ ոստիկանության պետի տեղակալ Կարեն Հակոբյանը

Ակնհայտ է, որ Հայաստանում իշխանափոխությունից հետո այս բոլոր դրվագները պետք է մանրակրկիտ ուսումնասիրվեն իրավապահ համակարգի կողմից, հստակ իրավական գնահատական տրվի վերը նշված տաք գլուխների ՝ սեփական քաղաքացիների դեմ կիրառված վայրագություններին: Այլ կերպ այս ամենը պարզապես չես անվանի; Իրավապահ համակարգի որոշ ներկայացուցիչներ այնքան են կաշվից դուրս գալիս վերադասի աչքը մտնելու համար, որ հայտնվել են ոչ միայն ՀՀ ՄԻՊ-ի, այլ նաև միջազգային հեղինակավոր Freedom House-ի ուշադրության կենտրոնում: Հիշեցնենք, երեկ կառույցը հրատապ զեկույց էր հրապարակել, որում իր մտահոգությունն էր հայտնում Հայաստանում ոստիկանական բռնության աննախադեպ աճով:

https://youtu.be/OD5typZ9OHo?si=V12gMJ6nGNYYE5Ty

https://youtu.be/2mIXlQjy_6E?si=MwR23Sv_l6UxA4JP

https://youtu.be/HDEPjCPG46o?si=-A4ChxXEf1hKXUQO