Մտավորականությունը լուռ է, հանցավոր անգործություն. Անահիտ Մութաֆյան

«1915 թվականի ապրիլի 24-ին Արեւմտյան Հայաստանում թուրքերի կողմից սպանվեցին հայ մեծանուն մտավորականները, այդ իսկ պատճառով Հայոց ցեղասպանության օր համարվեց ապրիլի 24-ը։ Այսօր մեր իրականության մեջ, կարծես, ցեղասպանությունը տեւում է 6 տարի, քանզի գլխատված, համրացած ու կուրացած մտավորականություն ունենք։

21-րդ դարում հայը նոր ցեղասպանություն է ապրում 2023-ի սեպտեմբերին. էթնիկ զտման ենթարկվեց Արցախ աշխարհը, այսօր էթնիկ զտման է ենթարկվում Տավուշը, վաղը դա կլինի ողջ Հայաստանի հետ, իսկ մտավորականությունը լուռ է։ Հանցավոր լռություն, հանցավոր անգործություն…

Թող բացարձակ տպավորություն չստեղծվի թե պաշտպանում եմ քաղաքական ընդդիմությանն՝ այս պահին հանրային անգործության համար, բայց, սիրելի հայ, որտեղ է քո պայքարող ու մարտնչող ոգին, ո՞ւր է կորել։  Տավուշում շարժումը չի ղեկավարվում քաղաքական ընդդիմության կողմից, այս շարժման առաջնորդն է Հայ Առաքելական եկեղեցու Տավուշի թեմի առաջնորդ Բագրատ Սրբազանը, ով ամեն վայրկյան խնդրում եւ հորդորում է հային ընդվզել, դուրս գալ փողոց փոքրիկ խմբերով փակել իրենց թաղամասի, քաղաքի, գյուղամեջի փողոցները եւ արտահայտել իրենց բողոքը, ցույց տալ անհամաձայնությունը, բայց ոչ ոք քայլ չի ձեռնակում, դրա փոխարեն ֆեյսբուքյան տիրույթում գրառումերով մեղադրում է ընդդիմությանը փողոց դուրս գալու կոչեր չհնչեցնելու մեջ։

Ես հասկանում եմ թե ինչի են պետք քաղաքական ընդդիմության կոչերը, որ արդարացնեք ձեր հանցավոր անգործությունը, պատճառ ունենաք, ինքներդ ձեր մեջ ուրիշներին մեղադրելու, ոչ թե ձեզ։ Ընդդիմության կոչերից հետո ֆեյսբուքում գրեք՝ «Ես Քոչարյանին չեմ սիրում փողոց դուրս չեմ գա», «Ես Իշխանին չեմ սիրում դրա համար իրա կոչով փողոց դուրս չեմ գա» ու էդպես իրար չսիրելով, մենք մեզ, մեր մեջ արդարացնելով՝ գնալու ենք թրքացման, գնալու ենք պետականության կորստի ու ամենավերջում դառնալու ասորի», - գրել է դերասանուհի ԱՆԱՀԻՏ ՄՈՒԹԱՖՅԱՆԸ։

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Մենք այս պետությանը պետք չենք․ Անահիտ Մարտիրոսյան Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ Իսկ ինչո՞ւ ոչ, «Ну-ка все вместе»-ն կլինի իմ վերադարձը մեծ բեմ. Անահիտ Հակոբյան Անահիտ Ավանեսյանը՝ բուժաշխատողների լիցենզավորման մասին