«Իրական Հայաստանի» ոչ բարով ղեկավարներն ամեն ինչ անում են շոու և ֆոն ապահովելու իրենց կողմից կատարվող ցանկացած դրվագի մասով

Արմեն Հովասափյանը գրում է

«Իրական Հայաստանի» մասին Նիկոլի վերջին թեզերի գեներացիայից հետո, բավական հաճախ եմ մտածում, թե իրականում ի՞նչ է «իրական Հայաստանը», զուտ տերմին, որը հերթական անգամ մոգոնվել է Նիկոլի կողմից, թե հայությանը զուգահեռ գոյություն ունեցող մի մատերիա։

Լսել էի՝ «Մեծ Հայք», «Արևմտյան Հայաստան», «Լեռնահայաստան», ու որոշակի պատկերացումներ (մեղմ ասած) ունեի, թե նրանց սահմանների, թե աշխարհագրական դիրքի մասին․ բայց «իրական Հայաստանը» դա մտացածին միֆ է, որը Նիկոլն անհոգնել փորձում է փաթաթել մեր վզին։

Թերևս նույն «իրական Հայաստանում» է, որ 24-ժամյա ռեժիմով խուլիգանության ու սպանությունների շարք է տեղի ունենում, ընդդիմադիրները հետապնդվում են իշխանությանը քննադատելու համար, մարդը առևանգվում ոստիկանության մեքենայից և խոշտանգվում, քաղաքացին դառնում հարկի մատերիալ, իսկ հարկատուն՝ «հերոս», իրական հերոսները բոլոր տարբերոակներով արժեզրկվում ու անարգվում, նախկին իշխանությունները դեմոնիզացվում ու համարվում «թալանչի», իսկ նրանց հետ ասոցացվող ամեն մի դրվագը արմատախիլ արվում հպարտ քաղաքացու ուղեղից։

Կարևոր է այն, որ «իրական Հայաստանի» ոչ բարով ղեկավարներն ամեն ինչ անում են համապատասխան շոու և ֆոն ապահովելու իրենց կողմից կատարվող ցանկացած դրվագի մասով՝ կառավարության նիստերին ու ԱԺ ամբիոններից արհեստական դիֆերամբներ ասելով։ Նույն այդ Հայաստանի ղեկավարը երեկ գնացել էր Տավուշ ու քաղաքացիներին փորձում էր համոզել, որ «շատ լավ է, որ Ադրբեջանը 50 մետրի վրա է, կգնաք առևտուր կանեք» կամ ասենք հայտարարում, թե «90 տոկոս գարանտիա եմ տալիս, որ թուրքը չի գալ դիրքերում նստի»։ Ասենք շարքային ժանգլյորի խոսակցություն, ով ժամանակին մատնոց էր խաղացնում ասենք «Երրորդ մասում» (չնայած նրանց պանյատները հաստատ այլ էին)։

Հիմա եկեք մի դրվագ, զուտ ապրիորի պատկերացնենք ՀՀ նախկին ղեկավարներից մեկին, ասենք Սերժ Սարգսյանին, ով կհայտարարեր, որ «ես 90 տոկոս գարանտիա եմ տալիս, որ թուրքն էս ինչ բանը չի անի»։ Նիկոլ, դու գարանտիա տվող չես, էն էլ 90 տոկոսանոց, դու, քո բառերով ասեմ, որ չնեղանաս, «երկրի լեգիտիմ ընտրված ղեկավար էս» (մեղա քեզ տեր, նախագահ Սարգսյանն էլ թող ինձ ների, դրա հետ զուգահեռ տանելու համար), ՀՀ ցանկացած քաղաքացի կմտածեր, թե էս մեր երկրի ղեկավարը գժվել է, ինչի՞ է նման խոսույթով խոսում մեզ հետ, բա էլ ո՞վ, եթե ոչ երկրի ղեկավարը պիտի մեր ավնտանգության թիվ մեկ երաշխավորը լինի։ Նիկո՛լ, դու էիր չէ՞, որ հայտարարում էիր, թե ես «29,800 (հետո միքս արեցիր) քառակուսու վարչապետն» էս, էլի մնացիր պրյոմի տակ, ջոգո՞ւմ ես։ 

Ասածս ինչ է․ հիմի էսօր եկել է, կառավարության նիստին խոսում է «կիստաներից ու գիշերամիզությունից», հայտարարում, թե «համակարգային սխեմաներ են աշխատել, ու կոռուպցիոն շղթաներ կան, բանակից ազատվելու հետ կապված»։ Ընկեր ջան, բա 100 անգամ պորթեցիր քեզ, թե «ՀՀ-ում համակարգային կոռուպցիան վերացած է։ Ես լեգիտիմ իրավունք ունե՞մ մտածելու, որ քո հաջորդ կլուոնադայի արարին էս նախապատրաստում Ապրիլի 24-ին ընդառաջ։