Ալիեւ-Փաշինյան մակարդակով կապիտուլյացիայի շարունակության ենք ականատես լինում. Խաչատրյան

Խորհրդարանական ընդդիմությունն իրական սահմանազատման եւ սահմանագծման գործընթացի եւ ընթացակարգով շարժվելու կողմնակից է։ Բայց այս պահին որեւէ սահմանազատման եւ սահմանագծման գործընթաց չկա, կա կապիտուլյացիայի շարունակություն: Այս մասին նշեց ԱԺ «Հայաստան» խմբակցության պատգամավոր ԱՐԹՈՒՐ ԽԱՉԱՏՐՅԱՆԸ եւ ընդգծեց, որ խորհրդարանական ընդդիմության առաջարկները ներկայացված են եղել այն հայտարարության մեջ, որն ԱԺ մեծամասնությունը տորպեդահարեց:

— Այս իշխանություններն անընդհատ հղում են կատարում 1991 թվականի Ալմա-Աթայի հռչակագրի վրա։ Ես ամենայն պատասխանատվությամբ ասում եմ` 1991 թվականին որեւէ վավեր ադրբեջանական ստորագրություն որեւէ փաստաթղթի տակ չկա։ Գտեք ԱՊՀ փաստաթղթերի ռեեստրը եւ կտեսնեք, թե Ադրբեջանը երբ է վավերացրել այդ փաստաթղթերը։ Այսինքն՝ այս իշխանությունները հղում են կատարում մի բանի վրա, որը գոյություն չունի: Երկրորդ` ի՞նչ քարտեզներ: Ասում են՝ 1974 թվականի քարտեզներ։ Հիմա Ադրբեջանը դա մերժեց, բազմաթիվ այլ քարտեզներ կան, սահմանաճշտման աշխատանքներ են եղել 1988 թվականից` մինչեւ արցախյան հակամարտության սկիզբը, դրանք հաշվի չեն առնվում։ Երրորդ` ինչո՞ւ է դա տեղի ունենում հատվածական եւ ոչ թե համապարփակ, այսինքն՝ ամբողջ սահմանի երկայնքով պետք է լինի սահմանազատում, հետո նոր գնան սահմանագծման, ապա նոր զինված ուժերի վերատեղակայում լինի նոր սահմանի երկայնքով։ Այս մարդիկ գնում են հատվածական՝ սա տանք, հետո տեսնենք` ինչ է լինելու։ Ճիշտ այնպես, ինչպես եղավ Շուռնուխում: Բացի այդ, Արցախի հակամարտությունը, քաղաքական կարգավորումը որեւէ կերպ չպետք է փոխկապակցվի Հայաստանի եւ Ադրբեջանի միջեւ կոնտուրների ճշտման հետ։ Եվ այս կոնտուրների ճշտման հետ կապված` պետք է հաշվի առնենք բոլոր այն գործոնները, որոնք ներառված են ԵԱՀԿ քարտուղարության ուղեցույցի մեջ` սահմաններ, որոնք կապահովեն երկրների անվտանգությունը, սահմաններ բնական օբյեկտների երկայնքով՝ լեռներ, սարեր, ջրեր։ Սահմաններ գծելուց պետք է նաեւ հաշվի առնել պաշտամունքի վայրերի եւ գերեզմանների առկայությունը: Բայց Հայաստանի իշխանությունն ասում է` ճարներս ի՞նչ, պետք է զիջենք, որ կռիվ չլինի։ Ցանկացած բառարան, որ բացեք, դա կապիտուլյացիայի սահմանումն է` դադարել պայքարել, որպեսզի ավելի վատ չլինի։ Նույն գործընթացն է, ինչ եղել է 2018-2020 թվականներին։ Կար Մինսկի շրջանակներում բանակցություններ, որոնք այս իշխանություններն օգտագործում էին որպես շղարշ, եւ կար Ալիեւ-Փաշինյան օպերատիվ կապ, որտեղ պայմանավորվածություններ էին։ Հիմա էլ նույնն է Մհեր Գրիգորյանն ինչ անում է, լավ է անում, թղթով է անում, բայց ինքն ինչ անում է, դա շղարշ է, պրոցեսը գնում է Ալիեւ-Փաշինյան մակարդակով։ Եվ Ալիեւ-Փաշինյան մակարդակով կապիտուլյացիայի ենք ականատես լինում:

Այս թեմայով Բաքուն գիտի Վագիֆ Խաչատրյանի հիվանդության մասին. Եվրոպական դատարանում գերիների շահերի պաշտպանը Ադրբեջանական բենզինի թաքնված ականները. Մեկնաբանում են տնտեսագետները Ադրբեջանից Վրաստանի տարածքով Հայաստան է ժամանել նավթամթերքով բեռնված գնացքը ՇՏԱՊ. «ԴՕԿ» կուսակցության շտաբի պետ, հայտնի փաստաբան Լեվոն Բաղդասարյանը բացառիկ հայտարարությամբ է հանդես եկել Դուք զբաղված եք մարդկանց մոլորեցնելով, ոչ թե մտահոգ եք երկրի հզորացմամբ և խաղաղության հաստատմամբ