Սամվել Վարդանյանի նկատմամբ տեղի ունեցածը ցնցել է իմ բանականությունը. Վահե Գրիգորյան

«Սամվել Վարդանյանի նկատմամբ տեղի ունեցածը ցնցել է իմ բանականությունը: Մի կողմ թողնենք իրավական հարցերը` մեղավոր է, թե՝ ոչ, քանզի դա կապ չունի տեղի ունեցածի հետ. եթե մեղավոր է լինում անձը, ազատազրկում են կամ այլ պատիժ կիրառում, եթե ոչ` ազատ արձակում եւ վերջ: Մինչդեռ այս դեպքում Սամվելը եղել է ձերբակալված, այսինքն՝ պետության հարկադրանքի եւ միաժամանակ պետության պաշտպանության ներքո, մինչդեռ նրա նկատմամբ, փաստորեն, այդ ընթացքում տեղի է ունեցել ծանր հանցագործություններից բաղկացած գործողությունների շղթա, ընդ որում` դա տեղի է ունեցել ոչ միայն պետական մարմինների ներկայացուցիչների ներկայությամբ կամ թողտվությամբ, այլ հավանական է, որ նրանց ուղղակի մասնակցությամբ, ինչն առհասարակ դուրս է իրավունքի, օրենքի ու բարոյականության սահմաններից: Ու այս ամենի ամենաողբերգականն այն է, որ Սամվելի նկատմամբ այս ամենն անողները, վստահ եմ, տեղյակ են եղել, որ նա պատերազմի մասնակից է, ում կենացը մի անգամ չէ, որ պաթոսախեղդ խմել են... Քեզ ուժ ու կորով, Սամվել Վարդանյան», - գրել է սահմանադրագետ, փաստաբան ՎԱՀԵ ԳՐԻԳՈՐՅԱՆԸ: