Ես քեզի կու գամ. պատգամ՝  ուղղված Հայաստանից դուրս ապրող բոլոր հայերին

Հանրության դատին է հանձնվել ԱՐԱՄ ԽԱՉԱՏՈՒՐՅԱՆԻ, ՎԱՐԴԱՆ ԽԱՉԱՏՐՅԱՆԻ եւ ԱՐՍԵՆ ԳԵՎՈՐԳՅԱՆԻ կատարմամբ «Ես քեզի կու գամ» երգի տեսահոլովակը, որի խոսքերի հեղինակն է Նյու Յորքի Գիտությունների ակադեմիայի պատվավոր անդամ, բանաստեղծ ՅԱԿՈԲ ԱՅՆԹԱՊԼԵԱՆԸ, ում ծննդյան 85-ամյակին էլ նվիրված է տեսահոլովակը: Իսկ երաժշտությունը գրել է պրոֆեսոր, դաշնակահար, երգահան ՄԱՐԳԱՐԻՏ ՍԱՐԳՍՅԱՆԸ (շեփորի մենանվագը կատարում է Լուսինե Իշխանյանը):

Նշենք, որ երգի շնորհանդեսը տեղի է ունեցել Լիբանանի մայրաքաղաք Բեյրութում եւ հայաբնակ Այնճար գյուղում՝ արժանանալով գովեստի ու բարձր գնահատանքի խոսքերի: Երգի հեղինակների՝ բանաստեղծի եւ երգահանի ցանկությունն այն է, որ հայության ուշադրությունը սեւեռվի դեպի Հայաստան, հաստատվեն հայրենիքում, իրենց ծրագրերն ու նպատակներն իրականացնեն այստեղ:

«Սա երրորդ երգն է, որ ստեղծեցի պարոն Այնթապլեանի խոսքերով: Այն սփյուռքահայ մտավորականի սրտի խոսքն է, երազը, մեծագույն ցանկությունը եւ պատգամը՝  ուղղված Հայաստանից դուրս ապրող բոլոր հայերին: Կարծում եմ՝ այս ստեղծագործությունը մեծապես կնպաստի հայրենադարձությանն ու հայրենատիրությանը», - նշել է Մարգարիտ Սարգսյանը:

Անդրադառնալով «Ես քեզի կու գամ» -ին՝ Յակոբ Այնթապլեանն էլ մանրամասնել է, որ այս բանաստեղծությունը գրել է Հայաստան ճամփորդության նախօրեակին:

«Իրականության մեջ ջինջ , հոգեծորան ընտրված բառերով եւ մեր իդեալի խորհրդանիշին՝ Հայաստանին նվիրված մի քերթված է: Կխորհիմ, որ ամեն մարդ, որ հայրենասեր է , նման զգացում կունենա, ուստի՝ երգի վերածվելով քերթվածի խոսքերն ավելի իմաստալից ու ժողովրդական կդառնա: Նպատակը ժողովրդի մեջ մաքուր, ազգային եւ հայրենասիրական  զգացումները տարածելն է, եւ ասիկա կարել է ընել Սփյուռիք եւ Հայաստանի մեջ եղող գրողներու, բանաստեղծներու երգահաններու, երաժշտության հորինողներու համագործակցությամբ: Իմ եւ Մարգարիտ Սարգսյանի աշխատանքները, որոնք կտեսնեք, համագործակցության արդյունք են սփյուռքահայ գրողի եւ հայաստանաբնակ երաժշտագետի մտահղացումներու: Ունկնդրեցեք եւ արժեվորեցեք նման աշխատանքները, որոնք կհուսամ, որ ապագային ավելի բազում կդառնան», - շեշտել է Յ. Այնթապլեանը:

ՀՐԱՆՏ ՍԱՐԱՖՅԱՆ

Այս թեմայով ՔՊ-ի կեղտոտ սպիտակեղենը փռել են արեւին Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Արդարադատությունը քնում է, բայց չի մահանում․ ԸՆԿԵՐ ՓԱՆՋՈՒՆԻ