Դառը պատասխան են տալու բոլոր մեղավորները. Տեր Փառեն քահանա Առաքելյան

«Հայտնի խոսք կա՝ «Եթե դրսում պատերազմ է, պարիսպներից ներս պետք է խաղաղություն տիրի»: Պարիսպներից ներս խաղաղություն կինի, երբ որ ներսում հայրենասեր, աստվածասեր, պատվախնդիր անձինք լինեն: Թե չէ տպավորություն է, որ դրսից ներս են սողոսկել և համարձակորեն և առանց ամաչելու չհաստատվածության դրոշ են ծածանում հոգեմտավոր դեռահասները: Մայր Աթոռ Սուրբ Էջմիացինը՝ իր հոգևոր դասով սրտացավ, հայրենասեր, սթափեցնող հայտարարություն է տարածում, իսկ երկրի ղեկավարի աշխատակազմի պաշտոնյան գործածում է «կաթողիկոսի կուսակցություն» բառակապակցությունը և «մանիպուլիատիվ» որակում եպիսկոպոսաց դասի մտահոգությունը: Մայր Եկեղեցին իբրև վիրավոր ծնող ցավ է արտահայտում իր սրբազան հողի և զավակների համար, օրենսդիր մարմնից ասում են, որ «ֆեյք նյուզ» է տարածում Եկեղեցին: Լավ, այսքան ատելությու ձեզ որտեղի՞ց, այսքան մաղձ որտեղի՞ց: Ձեր այս բառապաշարով, խոսելաոճով, մոտեցումով ո՞ւր եք տանում մեր ժողովրդին: Ե՞րբ մեր ժողովուրդը խոհեմություն կտեսնի ձեր գործելաոճի մեջ, ե՞րբ կհրաժարվեք նարցիզիզմից և Գողիաթի ինքնահավանությունից: Դառը պատասխան են տալու բոլոր մեղավորները: Աստված թող պահպանի մեր հայրենիքը», - գրել է Արժանապատիվ ՏԵՐ ՓԱՌԵՆ քահանա ԱՌԱՔԵԼՅԱՆԸ: