Հայաստանում վերջին 7 ամսում 7 կուսակցություն է ստեղծվել

Հայաստանյան ներքաղաքական դաշտը համալրվում է եւս մեկ կուսակցությունով: Այս անգամ մայիսի 6-ին Հայաստանի պետականակենտրոն անունով կուսակցություն է բացում Ռոման Նազարյանը, որը նախկինում ՀՀ վաստակավոր արտիստ Մհեր Մեսրոպյանի հետ հիմնադրել էր «Ազգի Ձայն» կուսակցությունը, ապա դուրս եկել կուսակցությունից:

Այսպիսով` վերջին վեց ամսվա ընթացքում հիմնադրվել է թվով 8 կուսակցություն: Իսկ թե ով ով է, մեզ հաջողվել է պարզել հետեւյալը.

ՀՀ ոստիկանության նախկին սպա Վարդան Ղուկասյանը հիմնադրել է «Դեմոկրատիա Օրենք Կարգապահություն» կուսակցությունը, որի նախագահ է ընտրվել Երեւանի ավագանու անդամ Անույշ Խուդավերդյանը, «Հանուն ժողովրդավար պետականության» անունով կուսակցություն է ստեղծել «Արատտա-Վան» հայրենասիրական, բարեգործական, իրավապաշտպան ՀԿ նախագահ Արսեն Սարգսյանը:

Հիմնադրվել է նաեւ «Հայոց ամրոց» անունով կուսակցություն, որի նախագահ է ընտրվել ծնունդով կապանցի Ամրամ Պետրոսյանը։ Նա 2010-2012 թթ. գլխավորել է Ուկրաինայի թոշակառուների կուսակցությունը: Վերջինս հանդես է գալիս նաեւ` որպես ազգամիջյան հարաբերությունների միջազգային փորձագետ, ղեկավարում է Ժամանակակից դիվանագիտության զարգացման հիմնադրամը եւ Գերմանիայի Բունդեսթագի Մարդու իրավունքների միջխորհրդարանական հանձնաժողովի փորձագիտական ​​խորհրդի անդամ է։

Հայաստանում վերջերս ստեղծվել է նաեւ «Հայ Ազգային Ռամկավար» կուսակցությունը, որի նախագահ է ընտրվել Թեքեյան մշակութային միության Սոցիալ մշակութային հիմնադրամի հոգաբարձուների խորհրդի նախագահ Վահե Դարբինյանը: Իսկ Երեւանի նախկին քաղաքապետ Հայկ Մարությանը մայիսի 1-ին կստեղծի «Նոր ուժ» անունով կուսակցություն:

Օրերս հիմադրվեց նաեւ ՀՀ պաշտպանության նախկին նախարար Արշակ Կարապետյանի «Համահայկական ճակատ» կուսակցությունը, որի ոչ թե նախագահ, այլ Կոմկուսի պես առաջին քարտուղար ընտրվեց Հովհաննես Շահինյանը: Իսկ նոր ստեղծված «Արդար խոսք» կուսակցության նախագահ ընտրվել է ԱԺ նախկին պատգամավոր, ազատամարտիկ Առաքել Մովսիսյանի եղբոր որդին` Ալբերտ Մովսիսյանը:

«Հայոց համազգային միասնություն» կուսակցություն է բացել նաեւ ԱԺ նախկին պատգամավոր Միհրան Պողոսյանը, բայց հիմնադիր համագումարի փոխարեն՝ նրանք նախ քայլերթ են իրականացրել:

ՀՐԱՆՏ ՍԱՐԱՖՅԱՆ

Այս թեմայով Ցեղասպանության ճանաչման հարցն այլեւս առաջնահերթ չէ. սա վտանգավոր հետքայլ է. Արա Պողոսյան Հետաքրքիր է, փաշինյանին նվիրված էրդողանի գրքում այս մասին բա՞ն կա գրված. Կարապետ Պողոսյան Ինձ անվանեցին ռուսական գործակալ... պարզապես ճշմարտությունն ասելու համար. ԱՄՆ Ազգային հետախուզության տնօրեն (Տեսանյութ) Երկրորդ միջազգային հակաֆաշիստական համաժողովն ամփոփեց իր աշխատանքները Մոսկվայում «Փաստ». Հայ ժողովուրդը չի կարող հանդուրժել ոտնձգությունը ազգային արժեքների դեմ