«Միայն մեզ չկպնեք` սա է այսօրվա թատերական աշխարհը». ՄՀԵՐ ՄԿՐՏՉՅԱՆ

«Իրավունքը»  զրուցել է «Մհեր Մկրտչյան» արտիստական թատրոնի նախկին գեղարվեստական ղեկավար, ռեժիսոր ՄՀԵՐ ՄԿՐՏՉՅԱՆԻ հետ:

-Պարոն Մկրտչյան, Դուք հաղթել եք Ձեր դատը, բայց չեն վերականգնել Ձեր պաշտոնը: Սա ինչպե՞ս կմեկնաբանեք:

- Շատ պարզ` չանել շատ անօրինական քայլ և չգնալ իշխանության դեմ միաժամանակ: Դա մեզ համար սպասված որոշում էր:

-Սա էլ կյանքի փորձության մի փուլ էր, որ Դուք անցաք, և արդյունքում ի՞նչ սովորեցրեց Ձեզ:

-Անկեղծ, նոր` ոչինչ: Ես գիտեի, եւ ինչ որոշում կլինի, թատրոնի անձնակազմից ով արժանապատվություն կունենա և ով կծախվի: Ցավոք, նաև գիտեմ` ինչ կլինի այն օրը, երբ ես նորից մտնեմ «Մհեր Մկրտչյան»  թատրոն: Հավատացեք, սա ոչ մեծամտություն է, ոչ կանխագուշակում: Սա հագեցած կենսագրություն է:

-Այս պահին ովքե՞ր են Ձեր կողքին:

-Լավ, կայացած ու ոչ մանր մարդիկ:

 -Ի՞նչ եք կարծում, երբ դերասանին, ռեժիսորին սկսում են հալածել կամ փակում են թատրոնը, թատերական աշխարհը որքանո՞վ է տվյալ անձի կամ թատրոնի կողքին լինում:

- Թատերական աշխարհ:  Չեմ հասկանում ինչի մասին եք խոսում... «Միայն մեզ չկպնեք»` սա է այսօրվա թատերական աշխարհը: Կարծում եմ, շուտով հերթը կհասնի, օրինակ` Մալյան թատրոնին, հետո մեկ այլ թատրոնի, և կբողոքեն միայն այդ թատրոնի դերասանները: Իհարկե, երբ մնացածը զգան, որ այս իշխանությանը օրեր են մնացել` դուք կտեսնեք Հայաստանի թատրոնների մի նախանձելի միասնություն:

-«Գոյ» թատրոնի նկատմամբ նման վերաբերմունքն ինչպե՞ս կմեկնաբանեք:

- Տգեղ պատմություն է: Ցավում եմ, որ լավ թատրոն են փակում: Դեմ եմ դրան:

-Ներկա պահին նոր պրոյեկտներ ունե՞ք:

Այո, բայց ավելի կարևոր է հիմա երկիրը պահպանել, որ սփյուռքահայ ռեժիսոր կամ տաքսիստ, կամ ձեր դեպքում լրագրող չդառնանք:

ՆՈՒՆԵ ԶԱՔԱՐՅԱՆ

Այս թեմայով Մհեր Գրիգորյանը մեկնում է Մոսկվա Ակնկալում եմ լրատվամիջոցների պատասխանատու մոտեցում. Ռազմիկ Մկրտչյան Էմին ջան, թեթև տար... իսկ գուցե ճի՞շտ էի ես, որ չեմ կզել. Մհեր Մկրտչյան Տարբեր բովանդակությամբ բազմաթիվ զանգեր ու հաղորդագրություններ եմ ստացել. Մհեր Բաղդասարյան Նրանց հետ նաև ապրել են Անդրեի ծնողները և նրանք կթողնեին ու կգնային, բայց չէին հանդուրժի ֆիզիկական կամ հոգեբանական բռնություն․ Մհեր Բաղդասարյանը` Անդրեի ու Անիի սկանդալային բաժանման մասին