Հայտնի փաստաբանը անդրադարձել է Գրողների միության շենքի պետականացման ոդիսականին

Առաջին անգամ փորձ կատարվեց  պետական մակարդակով Գրողների միության ունեցվածքը խլել երկրորդ նախագահի իշխանության տարիներին, սակայն Գրողների միության նախագահ Լևոն Անանյանի և Լեվ Գրուպ փաստաբանական թիմի ջանքերով իշխանությունը ետ վերադարձրեց միության ինչքն իրավատիրոջը՝ գրողներին։
Այսօր պատմությունը կրկնվում է։
Հարկավոր է իմանալ.
Ինձանից ավագ սերունդը, իմ սերունդը դաստիարակվել, սիրահարվել, ապրել է Իսահակյանով, Չարենցով, Սևակով, Շիրազով, ովքեր ևս եղել են գրողների միության անդամներ, աշխատել, ստեղծագործել այն շենքերում, որն  այսօր ցանկանում են վերցնել և սարքել բիզնես կենտրոններ։
Հարգելի իշխանավոր, նժարի վրա դիր ասածս ու քո բիզնես ծրագիրը։ Եթե նժարը թեքվեց դեպի ինձ, քեզ, մնացյալին, հայ դաստիարակած սրբության սրբոց գրողների շենքը, հրաժարվիր գրողներին իրավամբ պատկանող ունեցվածքից։

Լևոն Բաղդասարյան, փաստաբան