Ազգագրական երգիչ. «Ազգայինը պիտի պրոպագանդել դպրոցներից սկսած»

Ազգագրական երգիչ ՀԱՅԿ ՄԽՈՅԱՆՆ իր բոլոր մենահամերգները,  թե′ Հայաստանում, թ′ե արտերկրում բացում է Կոմիտասի ստեղծագործություններով, արդեն երկար տարիներ է, ինչ առաջնորդվում է նույն սկզբունքով.«Մենահամերգներս սկսում եմ կոմիտասյան ստեղծագործություններով, որից հետո միայն կատարում ազգագրական, ժողովրդական, գուսանական երգեր: Երբ հայ մարդը ծնվում է, նրա հետ ծնվում է նաեւ ազգայինը: Մարդկանց մի մասը այն զարգացնում է, մյուս մասն էլ մատնում անուշադրության: Ամեն երգիչ բեմ բարձրանալուց  պիտի  հասկանա, որ ինքն այդ պահին դաստիարակում է հանդիսատեսին, ուստի երգերի ընտրության, կատարման ու մատուցման ձեւին պիտի մեծ ուշադրություն դարձնի:  Սխալ է ասել, թե այսօր մենք հանդիսատեսին տալիս ենք այն, ինչ նա պահանջում է: Անճաշակ հանդիսատես չունենք, բայց եթե անգամ այդպես է, պարտավոր ենք բարձրացնել նրա ճաշակը, սա պիտի լինի արտիստի առաքելությունը»,-«Իրավունքի» հետ զրույցում նշեց Հ. Մխոյանը: Նրա խոսքով`այսօր ազգային երգարվեստին նվիրված համերգներ քիչ են լինում, ինչը սխալ է. «Ազգայինը պիտի պրոպագանդել դպրոցներից սկսած: Եթե հայը չճանաչեց իր ազգային արժեքները, էլ օտարին ինչպես կարող է ծանոթացնել դրանց: Հայկական երգը, որը մրցելու կարիք չունի, քիչ է հնչում եթերից, փոխարենն ամբողջ եթերը ողողված է աղբով: Եթերից չենք լսում այն, ինչը ցանկանում ենք»,-ընգծեց երգիչը եւ նկատեց, որ այս ամենին զուգահեռ կա ուրախացնող մեկ փաստ, որ ազգային երգերի նկատմամբ հասարակության սերն ու հետաքրքրությունը գնալով մեծանում է.«Նույնիսկ քիչ անցկացվող համերգներին, ազգային երգն ունի իր հանդիսատեսը»,-եզրափակեց Հայկ Մխոսյանը:

ԶՎԱՐԹ ԽԱՉԱՏՐՅԱՆ

Այս թեմայով «Ժողովուրդ». Այսօր կորոշեն Հայկ Սարգսյանի ճակատագիրը ՔՊ-ի կեղտոտ սպիտակեղենը փռել են արեւին «Ժողովուրդ». Քննարկվում է Ավետ Կոնջոյանին և Հայկ Սարգսյանին ՔՊ-ից հեռացնելու հարցը Նոյեմբերի 9-ը Հայաստանի փրկօղակն էր․ Հայկ Այվազյան «Հրապարակ»․ Հայկ Սարգսյանին ներում-բեկում չի լինելու