Ահաբեկչության թիկունքում կանգնած են որոշ երկրներ, այդ թվում՝ Թուրքիան եւ Ադրբեջանը. Արթուր Վարդանյան

«Տարածվող տեղեկությունները, թե իբր «Իսլամական պետություն» ահաբեկչական խմբավորումն իր վրա է վերցրել Մոսկվայում տեղի ունեցած ահաբեկչության պատասխանատվությունը, ԿԵՂԾ ԵՆ։ Այդ կեղծ տեղեկությունները տարածել են թուրքական լրատվական աղբյուրները, բայց այ թե ինչու, դա դեռ քննվում է Ռուսաստանի իրավապահ մարմինների կողմից։

 

Ըստ որոշ տեղեկությունների Մոսկվայում տեղի ունեցած ահաբեկչության կազմակերպիչներից առնվազն մեկը ադրբեջանցի է, ով մյուս ահաբեկիչների հետ զինվորական պատրաստություն է անցել Ուկրաինայում։ Ըստ Որոշ լրատվականների, այս ահաբեկչության թիկունքում կանգնած են որոշ երկրներ, ինչպիսին են Թուրքիան եւ Ադրբեջանը, որոնք ուղղակի աջակցել են Մոսկվայում տեղի ունեցած այս ոճրագործությանը։ Նաև հավաստի տեղեկություններ կան, որ

«Կրոկուս սիթի հոլլը» պատկանում է Ալիեւի նախկին փեսային, ով մեկ ամիս առաջ ինչ-ինչ պայմաններով խոշոր գումարով ապահովագրել էր ամբողջ Սիթի հոլլը։

Նաև հատկանշական է, որ խոսվում է նրա մասին, որ այդ ահաբեկիչ ոճրագործները մուտք են գործել Ռուսաստան Ադրբեջանից, որը եւ հիմք տալիս ենթադրելու, որ նրանց ուղղակի օգնել են ադրբեջանական հատուկ ծառայությունները։ Ո՞րն է եղել նպատակը:

 

Նպատակը կայացել նրանում, որ այս ահաբեկչության միջոցով տարանջատում մտցվի ռուս և չեչեն ժողովուրդների միջև և հատկանշական է, որ առաջին արևմտյան հաղորդագրությունները ուղղակի մեղադրեցին չեչեն ժողովրդին այս ոճրագործության մեջ, փորձելով թուրքական և ադրբեջանական տեղեկատվական աղբյուրների միջոցով ուղղակի կարծիք ձեւավորել ռուս ժողովրդի մեջ, որ սա ներքին խռովության արդյունք է, այնինչ դա այդպես չէ։ Պետք է նշել, որ մեկ շաբաթ առաջ ԱՄՆ և Բրիտանական աղբյուրները զգուշացրել էին, որ Մոսկվայում ահաբեկչության վտանգ կա, բայց չգիտես ինչի հրաժարվել էին հավելյալ տեղեկություններ փոխանցել ռուսական կողմին։ Սա առնվազն խոսում է նրա մասին, որ այս ոճրագործության կազմակերպիչները Ադրբեջանի եւ Թուրքիայի ձեռքով փորձում են «ներքին խռովության» քողի տակ, այս տեսակի ոճրագործների միջոցով ուղղակի հարված հասցնել Ռուսաստանի ժողովրդին, հույս ունենալով, որ զոհերի թիվը եւ նախկինում տեղի ունեցած ահաբեկչական գործողությունները, որոնք որոշ ձեւով նման են այսօրվա ահաբեկչութկանը, Ռուսաստանի ժողովրդի մոտ կառաջացնի այն պառակտումը, որը եւ կարող է հանգեցնել բախումների։ Ո՞ւմ է պետք այս սցենարը, միանշանակ Արեւմուտքին, հաշվի առնելով Ուկրաինայում տեղի ունեցող բոլոր ռազմաքաղաքական անհաջողությունները։

 

Եվս մեկ հետաքրքիր փաստ, որը առնվազը ծիծաղելի եւ նողկալի է, հաշվի առնելով այն, որ ադրբեջանական տելեգրամյան ալիքները ահաբեկչության առաջին իսկ րոպեների ժամանակ ակտիվ քարոզչություն էին տանում, թե իբր «հայերի ձեռքի գործն է»՝ այն, ինչ ապացուցվեց, որ ահաբեկիչներից մի քանիսը ադրբեջանցիներ են...», - գրել է ՀԱՊ կուսակցության նախագահ ԱՐԹՈՒՐ ՎԱՐԴԱՆՅԱՆԸ: