Հարյուր եւ ավելի անմեղ զոհերի արյան տակ երեւում է հարեւան բորենիների ականջները. Հայտնի փաստաբանը Մոսկվայի հրեշավոր ահաբեկչության մասին

Երեկ երեկոյան Մոսկվայում տեղի ունեցած սարսափելի ահաբեկչությունն աչքի է ընկնում ցինիզմով և դաժանությամբ: Անմեղ մարդկանց նկատմամբ այդպիսի վերաբերմունքը  մարդկային բոլոր նորմերի կոպտագույն խախտում է և ներում չունի,- անդրադառնալով Մոսկվայում տեղի ունեցած հրեշավոր ահաբեկչությանը, ասաց հայտնի փաստաբան, «Լեվ Գրուպ» փաստաբանական ընկերության հիմնադիր ղեկավար ԼԵՎՈՆ ԲԱՂԴԱՍԱՐՅԱՆԸ, ընդգծելով.

-Նման ահաբեկչությունները շատանալու են եւ տարածվելու, քանի դեռ բազում ակաբեկչություններ մնում եւ մնացել են անպատիժ։ Արձանագրենք, որ նման դեպքում գործում է բումերանգի օրենքը։ Հեռու չգնանք, Հայաստանի օրինակով խոսեմ, երբ 15-20 տարի առաջ քնած զինվորին կանցնահարեցին, աշխարհը լուռ էր, ավելին ահաբեկիչ հերոսացվեց հարեւան մելիքությունում։ Նույն կերպ լուռ էր աշխարհը, երբ տարեց ամուսիներին իրենց տան մեջ խոշտանգելով սպանեցին, երբ հայ զինվորի գլխով ֆուտբոլ էին խաղում, ի վերջո չարձագանքեց 120 հազար հայերի բռնի տեղահանմանը իրենց բնօրրաներից։

Այսինքն մինչ աշխարհը լուռ ու կույր է, նմանատիպ ահաբեկչությունների աշխարհագրությունը տարածվելու է։ Իսկապես ցավալի ու դատապարտելի է Մոսկվայում տեղի ունեցած ահաբեկչությունը, բայց առավել ուշագրավ է, որ հարյուր եւ ավելի անմեղ զոհերի արյան տակ երեւում է հարեւան բորենիների ականջները։

Ցավակցում եմ բոլոր անմեղ զոհերի հարազատներին։