Այս փուլում իշխանության ռեպրեսիոն մեքենան շատ ավելի ակտիվ դրսեւորումներ է ունենալու. Աբրահամյան

ԱԺ «Պատիվ ունեմ» խմբակցության պատգամավոր ՏԻԳՐԱՆ ԱԲՐԱՀԱՄՅԱՆԻ գնահատմամբ` Նիկոլ Փաշինյանի վերջին հանդիպումները Ոսկեպարում եւս ցույց տվեցին, որ հասարակությունը տարբեր իրավիճակներով` սոցիալական, ազգային եւ պետական խնդիրներով պայմանավորված` որոշակի ակտիվություն է դրսեւորում:

— Սա նշանակում է, որ այս փուլում իշխանության ռեպրեսիոն ընդհանուր մեքենան շատ ավելի ակտիվ դրսեւորումներ է ունենալու, ինչը սկսվեց Վազգեն Սաղաթելյանի եւ Նարեկ Սամսոնյանի ձերբակալությունով, ապա կալանավորմամբ: Այս ձեռագիրն արդեն պարզ է: Ցավոք, այս ամենը շատ կանխատեսելի էր եւ տեղավորվում է իշխանության իրականացրած քաղաքականության տրամաբանության մեջ:

— Պարոն Աբրահամյան, իսկ ինչպե՞ս կգնահատեք ընդհանրապես Տավուշի սահմապահ գյուղերում առկա իրավիճակը:

— Այն, որ լարվածությունն անընդհատ մեծանալու էր, ակնհայտ էր: Նույնիսկ մեկ ամիս առաջ, երեք շաբաթ առաջ այնտեղ ապրող մարդիկ դեռեւս խորապես տեղյակ չէին կամ չէին պատկերացնում, թե ինչ է տեղի ունենում: Թեման անընդհատ արծարծվում էր, բայց մարդկանց մոտ դեռեւս ամբողջասկան տեղեկատվություն չկար: Բայց Նիկոլ Փաշինյանի այցը Տավուշի մարզ եւ մի քանի համայնքներում տեղի ունեցած հանդիպումների արձագանքներն ուղիղ ձեւով վերահաստատում է, որ մարդկանց բավականին մեծ անհանգստություն է պատճառել: Տարբեր քաղաքական, հասարակական գործիչներ, ովքեր թեմային տիրապետում են, անընդհատ իրենց հանրային խոսքով` ցույց են տալիս մարդկանց, որ խնդիրը չորս գյուղի կամ 8 բնակավայրի չի վերաբերում միայն: Իրականության մեջ Տավուշը խոցելի դարձնելով` խոցելի է դարձվում ամբողջակության մեջ Հայաստանի Հանրապետությունը: Ըստ այդմ, խոցելիությունը եւ անվտանգային սպառնալիքները վերաբերում են յուրաքանչյուրին` անկախ նրանից, թե տվյալ մարդը Հայաստանի Հանրապետության որ կետում է ապրում:

ՀՐԱՆՏ ՍԱՐԱՖՅԱՆ

Այս թեմայով Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Դե ԱԳՆ-ն փակե՛ք, Միրզոյանն ասում ա՝ Մատենադարանի տնօրենը Հաջիևի պատասխանը տվել ա․ Աբրահամյան Աշնանային սրացումներ ԱԺ-ում․ ԶԱՐՄԱՆՔ Ով է ստում․ Ավինյանը, թե՞ Փաշինյանը