ԱԺ-ում լարված է. «Եթե ձեզ անձեր են հետաքրքրում, ԾԻԳ-ից իմացեք». Ժաննա Անդրեասյան

Այսօր Ազգային ժողովում տեղի է ունեցել ԿԳՄՍ հարցերի մշտական հանձնաժողովի արտահերթ նիստ, որի  ժամանակ Կրթության, գիտության, մշակույթի և սպորտի նախարար Ժաննա Անդրեասյանը խոսել է նոր սարքավորումների և դրանց շահագործման  հանձնվելու  մասին:

Առաջադրված հարցին, թե ո՞վ է որոշում  ինչ սարքավորում է պետք և ինպե՞ս է այդ գործընթացը իրականցվում, Անդրեասյանը պատասխանեց.

«Որևէ  մեկը չի նստում և իր քմահաճույքով կազմում տեխնիկական բնութագրեր: Կա առարկայական  չափորոշիչ, որից պարզ է թե կրթական պրոցեսում որտեղ և ինչպես պետք է օգտագործել համակարգչային սարքավորումները: Կան ծրագրեր, որտեղից էլ կազմվում են անհրաժեշտ սարքերի ցանկը:

Ինչ վերաբերում է բուն իրականացմանը, գնման գործընթացը կատարվում է կրթական ծրագրերի իրականացման գրասենյակի կողմից, որը համակարգիչների գնումը կատարում է բաց մրցակցային գնման միջոցով: Այն ունի նաև միջազգային բնույթ: Ի դեպ, այս միջազգային գնումը իրականացվել է համաշխարհային բանկի գնումների ընթացակարգով»-  նշեց նա:

Այն հարցին, թե ով է հստակ զբաղվում տվյալ հարցով,  Անդրեասյանը պատասխանեց, որ անձերի անուններ տալ չի կարող և չի հիշում: Եթե կան հարցադրումներ, դրանք հասանելի են Ծիգ-ում: