ԿԿԱՅԱՆԱ ՀՀ ՄՇԱԿՈՒՅԹԻ ՎԱՍՏԱԿԱՎՈՐ ԳՈՐԾԻՉ ՍՈՒՍԱՆՆԱ ՄԿՐՏՉՅԱՆԻ «ԻՄ ՀՈԳՈՒ ՏՈՒՆ ԳՅՈՒՄՐԻ» ԽՈՐԱԳՐՈՎ ԱՆՀԱՏԱԿԱՆ ՑՈՒՑԱՀԱՆԴԵՍԸ։

 Iravunk. com-ի Շիրակի մարզի թղթակիցը, Գյումրիի «Հենրիկ Իգիթյանի» անվան Գեղագիտական կենտրոնի տնօրեն, ՀՀ մշակույթի վաստակավոր գործիչ,նկարչուհի, պրոֆեսոր, Գյումրիի պատվավոր քաղաքացի, տիկին ՍՈՒՍԱՆՆԱ ՄԿՐՏՉՅԱՆԻՑ տեղեկացավ,որ մարտի 17-ին, Երևանի Աբովյան 13 հասցեում գտնվող, «Հենրիկ Իգիթյանի» անվան գեղագիտական կենտրոնում կկայանա նրա «Իմ հոգու տուն, Գյումրի» խորագիրը կրող ստեղծագործությունների անհատական ցուցահանդեսը, որը կտևի 7 օր։Տիկին Սուսաննան հրավիրում է բոլորին։ Նա 1970 թվականից մասնակցել է բազմաթիվ հանրապետական և միջազգային ցուցահանդեսների, անհատական ցուցահանդես է ունեցել Հայաստանում և արտերկրում։ 2016֊ին, ՀՀ Աժ֊ում բացվել է նրա «Մասունքներ» խորագիրը կրող հոբելյանական ցուցահանդեսը, որտեղ ներկայացվել է անվանի արվեստագետի 35 աշխատանքներ։ Սուսաննա Մկրտչյանը, ստեղծագործում է գեղանկարչության, գրաֆիկայի բնագավառներում, նկարում մետաքսի վրա, ստեղծում ինքնատիպ նատյուրմորտներ, թղթե արձաններ, տարազներ։ «Գյումրի, իմ սեր» գրաֆիկական շարքում, նկարչուհին ներկայացրել է հարազատ քաղաքի Ալեքպոլ ֊Գյումրիի անցած գնացած դեպքերն ու դեմքերը, կյանքն ու կենցաղը, անկրկնելի ոգին ու շունչը, բնիկ գյումրեցիներին բնորոշ կերպարներն ու կոլորիտային տիպերը։ «Գյումրի» շարքում, նկարչուհին փորձում է մոռացությունից փրկել և նոր սերնդի համար պահպանել հին Գյումրին, առանձնահատուկ կոլորիտով ու ծեսերի վերածված ավանդույթներով։

ՀՈՎՀԱՆՆԵՍ ՍԱՐԳՍՅԱՆ