Ինչ է տեղի ունեցել Կոնսերվատորիայում փակ հանդիպմանը

Կոմիտասի անվան պետական կոնսերվատորիան փակելու շուրջ բարձրացված աղմուկից հետո` երեկ բուհում փակ հանդիպում տեղի ունեցավ, որտեղ լրագրողների մուտքն արգելվեց: Իսկ թե ինչ է տեղի ունեցել հանդիպման ժամանակ, մանրամասներ պարզեցինք բուհի դասախոս ՀՀ վաստակավոր արտիստ, թավջութակահար ԱՐԱՄ ԹԱԼԱԼՅԱՆԻՑ։

— Հանդիպման ժամանակ փայլուն ելույթներ ունեցան ուսանողները, դասախոսները։ Բոլոր հարցերին Բարձրագույն կրթության եւ գիտության կոմիտեի նախագահ Սարգիս Հայոցյանը նույնն պատասխանն էր տալիս` կլաստերներ, ավելի լավ կլինի... Մեզ դուր չեկավ, երբ նախարարության ներկայացուցիչը սկսեց խոսել աշխատավարձերի բարձրացումից: Մենք այստեղ աշխատավարձի համար չենք աշխատում։ Սա պատմական բան է` ոչ մի երաժիշտ աշխատավարձի համար չի աշխատում, մենք ծառայում ենք, ինչպես ծառայում են թատրոնում։ Մերն աշխատանք չի կոչվում: Եվ հանդիպման ընթացքում նախարարության ներկայացուցչից այդպես էլ հստակ պարզաբանում չլսեցինք` Կոնսերվատորիան միանալո՞ւ է այլ բուհերի, թե` ոչ։ Ուսանողներից մեկը հստակ հարց բարձրացրեց` միավորում լինելո՞ւ է, թե` ոչ։ Ուղիղ 20 րոպե չկարողացավ` ո՛չ այն ասել, ո՛չ՝ այն:

Այս թեմայով Տիկ տոկ հարթակը պետք է վերահսկվի հատուկ կառույցների կողմից, եւ վերացվեն պոռնոգրաֆիա պարունակող էջերը. Մանուկյան Սիրիայում 448 անձ ստացել է ՀՀ քաղաքացու անձնագիր. նրանց պետական տուրքը կվճարի ՀՀ կառավարությունը Կես խոսքից չորսս էլ իրար հասկացանք. Պարոնյան թատրոնի կանայք կարեւոր հարց են բարձրացնում Անթույլատրելի է խոսել խախտված իրավունքից խախտելով այլոց իրավունքը Դա նշանակում է հարվածել գոտկատեղից ներքեւ. Հայտնի փաստաբանը հայտարարությամբ է հանդես եկել