Էշն ինչ գիտի, նուշն ինչ է, ողորմելինե՛ր, մնացեք էդ մակարդակին. Հայրիկյան

Նախապես ձեռք բերված պայմանավորվածության համաձայն` ՀՀ արդարադատության նախարարությունում օրերս պետք է կայանար նախարարության ներկայացուցիչների եւ ԱԻՄ-ականների հանդիպումը: ԱԻՄ նախագահ ՊԱՐՈՒՅՐ ՀԱՅՐԻԿՅԱՆԸ պատրաստվում էր նախարարությանը փոխանցել դեռեւս տարիներ առաջ 10 կուսակցությունների կողմից մշակված սահմանադրական բարեփոխումների հայեցակարգը: Սակայն ԱԻՄ-ականներն ու նրանց համախոհները նախարարության դիմաց հայտնվեցին փակ դռների առաջ: ԱԻՄ նախագահը, անդրադառնալով ստեղծված իրավիճակին, մանրամասնեց, որ հստակ ժամ էին պայմանավորվել, ինքն էլ պատրաստվում էր ներկայացնել հայեցակարգ, որի ուղղությամբ այս իշխանությունը 4 տարի աշխատել է ու չի կարողացել իրականացնել:

— Սահմանադրական բարեփոխում են սկսում՝ առանց հասկանալու, որ պետք է հայեցակարգ ունենան, որ հետո ձեռնամուխ լինեն այդ գործին։ Եվ նրանք քաղաքական ու պետական գործիչներ են իրենց համարում։ 2020 թվականից մինչեւ 2024 թվականն ընկած ժամանակահատվածը վատնեցին, ներպետական ծախսագումար կորզեցին՝ ավելի քան 200 մլն դրամ, եւ ոչինչ չարեցին։ Ինձ մոտ մեր 10 կուսակցությունների կողմից նախկինում ներկայացված հայեցակարգն է, որը կրկին պետք է փոխանցեինք նախարարությանը: Մենք պայմանավորվել էինք, որ պետք է հանդիպենք Արդարադատության նախարարության պատասխանատուների հետ եւ փոխանցենք փաստաթուղթ, որի համար անբանները, 4 տարի պետությունից աշխատավարձ ստանալով, չմշակեցին։ Եթե որեւէ այգեգործ ստացած լիներ որոշակի գումար եւ, օրինակ, ծառերը չտնկեր, նրան պատասխանատվության կենթարկեին: Բայց այս մարդիկ, ժողովրդի հաշվին իրենց վզերը հաստացնելով, իրենց իսկ ժամադրություններից էլ են հրաժարվում, ինչպես ասում են` գող` սիրտը դող։ 4 տարվա ընթացքում չկարողացան չորս էջ գրել, հիմա ուզում ենք պատրաստի հայեցակարգ տալ, թաքնվում են պատերի հետեւում: Բա իրենց խղճի հետեւում ինչպե՞ս են թաքնվելու, իրենց երեխաների դառը ճակատագրի առաջ ինչպե՞ս են արդարանալու: Ողորմելի, թշվառ, ծախու արարածներ են` նախարարի գլխավորությամբ, որը հուլիսին ավարտված նորմատիվ իրավական ակտի մասին ասում է` մինչեւ դեկտեմբեր կհասցնենք: Գրիգոր Մինասյանն արդարադատության նախարա՞ր է, թե՞ վերջին քրեական հանցագործը: Իրավական նորմատիվ ակտը պետք է ժամկետում կատարվի։ Չկատարվեց, դադարեցվում է իր գործունեությունը։ Ինչեւէ, այդ ողորմելի ստրուկներն անգամ իմ խոսքերին, նախարարության դիմաց եկած մարդկանց նույնիսկ հայացքին արժանի չեն: Միայն դեբիլը չգիտի, որ Սահմանադրության մեջ բարեփոխումները կատարվում են մեկ նպատակով` քաղաքացիների իրավունքները ընդլայնելու: Ամեն դեպքում, ինձ համար անհասկանալի էր, ինչո՞ւ էր նախարարության աշխատակցուհին` Անի կոչված դժբախտը, հանդիպման ժամ նշանակել, եթե իր ղեկավարներն այդքան վախկոտ են, Վերգո են, ինչո՞ւ է դրանց հետ բան պայմանավորվում, մի՞թե չգիտեր, որ անողնաշար են: Ի դեպ, նախարարություն ինձ հետ գրքեր էի տարել` բացարձակ ժողովրդավարության վերաբերյալ, պետությունների ժողովրդավարականությունը չափելու բանաձեւի վերաբերյալ, որ նվիրեի, բայց էշն ինչ գիտի, նուշն ինչ է: Ողորմելինե՛ր, մնացեք այդ մակարդակին, մեկ է» վաղը սրբելու ենք իրենց այդտեղից: Որեւէ պատասխանատու դիրքում իրավունք չունեն այսպիսի մարդիկ լինեն:

ՀՐԱՆՏ ՍԱՐԱՖՅԱՆ

Այս թեմայով «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Հորդորում եմ` այս ընթացքում խմելու և կենցաղային նպատակներով օգտագործել միայն համայնքի կողմից տրամադրվող ջուրը կամ շշալցված տարբերակը. նախարար Տիգրանաշեն գյուղը պատկանում է Պարույր Սևակ համայնքին, ի՞նչ իրավունքով է ադրբեջանական անունով ասվում Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Էլեկտրաէներգիայի անջատման պատճառով այս պահին հնարավոր չէ ընդունել թղթային եղանակով դիմումները